Túrik polıseıleri Reseıdiń Túrkıadaǵy elshisi bolǵan Andreı Karlovtyń ólimine qatysy bar degen kúdikpen reseılik B.Ekaterınany tutqyndady dep habarlaıdy A Haber telearnasy.
Ol ótken jyldyń qarasha aıynda elshini óltirgen Mert Altynshashpen jáne Ankaradaǵy reseılik mádenıet ortalyǵymen telefon arqyly sóılesken. Tergeý barysynda ol Altynshashpen kóbine messendjer arqyly hat jazysyp turǵanyn moıyndady.
33 jastaǵy Ekaterına qonaq úılerde áıelderdi iri kásipkerlermen kezdestirip Ankarada jeńgetaılyqpen aınalysqan. Ol kezdesýlerdi eki saıt arqyly júzege asyryp otyrǵan.
Qazir reseılik áıel sottyń sheshimimen Ankara túrmesinde jatyr. Reseı elshiligi BAQ-ta Andreı Karlovtyń ólimine qatysy bar degen kúdikpen ustalǵan reseılik áıelge qatysty jarıalanǵan aqparattyń naqtylyǵyn bilý úshin resmı saýal joldady.
«Elshiniń óliminen keıin eki jaq birigip tekserý jumystaryn bastady. Ankaraǵa Reseıdiń tergeý toby kelgen. Tekserý barysynda Reseı men Túrkıa azamattary ustaldy, tergeldi» deıdi Reseıdiń Túrkıadaǵy elshiliginiń baspasóz-attashesi Irına Kasımova.
Esterińizge sala keteıik, Andreı Karlov 2016 jyldyń 19 jeltoqsanynda Ankaradaǵy foto kórmeniń ashylýynda kisi qolynan qaza tapqan. Oǵan oq atqan burynǵy polıseı Mert Altynshash sol jerde óltirildi. RF SİM bolǵan jaǵdaıdy terakti dep atap, qylmystyq is qozǵady.
