Berdibek Saparbaev halyq arasynda qarapaıymdylyǵymen tanylyp júrgen azamat. Onyń turmys jaǵdaıy tómen otbasyǵa páter bergenin BAQ jarysa jazǵan edi. Aqtóbe oblysynyń ákimi Berdibek Saparbaev osy joly taǵy da kózge tústi dep jazady qamshy.kz. 

Aqtóbe oblysynyń ákimi Berdibek Saparbaev kóp sheneýnik mensine bermeıtin asqanadan 120 teńgeniń kotleti jáne 80 teńgeniń kartop ezbesimen tústenedi, dep jazdy «Tilshi».

Oblys ákimdigi ǵımaratyndaǵy jergilikti bılik organy qyzmetkerleri úshin jumys isteıtin asqanada salat baǵasy – 80-85 teńge. Olıve úshin 130 teńge suraıdy. Borsh, laǵman, lapsha sekildi suıyq taǵamdardyń jarty porsıasy – 250 teńge.

Kartop ezbesi – 80 teńge, sýǵa pisirilgen kúrish – 60 teńge. Manty, palaý, qýyrdaq, sáıkesinshe, 270, 360, 400 teńge. Sútsiz shaı 30 teńge, sút qatqany — 50 teńge. Tátti bólke 30 teńgeden.

Ákimdik qyzmetkerleriniń deni atalǵan asqanada kóp kórine bermeıdi. Ásirese, basqarma basshylary men olardyń orynbasarlary ákimdiktiń asqanasyna eshýaqytta kirmeıdi eken.

Esesine, ákimdik qyzmetkerleriniń aıtýynsha, oblys basshysy Berdibek Saparbaevtyń ózi tús mezgilinde úıine barmaǵan jaǵdaıda as mázirin asqanadan aldyrtady eken.

«Birde ákimge dep podnospen kartop ezbesi, kotlet, kompot apara jatqanyn óz kózimizben kórdik», - deıdi ákimdik qyzmetkerleri.