Adam óltirýshi qanisherler, adam jegishter – barlyǵy sumdyq qylmys jasaǵandar "adam" dep ataýǵa aýyz barmaıtyn tirshilik ıeleri. Álemde osy ýaqytqa deıin qanshama jaýyz qanisherler ómir súrgen. Qamshy aqparattyq agenttigi álemdegi eń ataqty qanisherlerdiń hıkaıalaryn oqyrman nazaryna usynady.

Psıhologtardyń aıtýynsha, qanisherler psıhologıalyq aýytqýǵa ushyraǵan adamdar. Jastaıynan belgili-bir zorlyq-zombylyqqa dýshar bolǵan, qatigezdik kórip óskender.

Qanisher kloýn

1994 jyly Kloýn laqap atty qanisher ólim jazasyna ekpe egý arqyly qaıtys boldy. Onyń shyn esimi Djon Veın Geısı. Bul manák balalardyń mereke, keshterinde jumys istep sol jerde olarǵa kóz tastap otyrǵan. 33 balany zorlap, óltirgen. Olardyń 27-si qylmyskerdiń jertólesinde tabylsa qalǵandaryn sýǵa batyryp óltirgen eken.

Indonezıalyq Ahmad Sýradjı

Ahmad Sýradjı – ındonezıalyq manák 42 áıeldi óltirgen. Barlyǵyn birdeı tásilmen: jerge kómip tek basyn qaldyrǵan da, qylqyndyrǵan. Azaptanǵan áıeldiń aýzynan aqqan silekeıdi iship otyrǵan. 2008 jyly atý jazasyna kesilgen.

«Potroshıtel» laqap atymen belgili Andreı Chıkatılo

Postkeńestik kezeńdegi eń jaýyz qanisher atalǵan. Onyń qolynan 12 jylda 52 adam qaza tapqan. 1994 jyly atyldy.

Adam jegish qanisherler

Nıkolaı Djýmagalıev

Ol adam jegish qandyqol qylmyskerlerdiń ishindegi eń ataqtysy desek qatelespeımiz. 1990 jyly Almaty da turǵan, jumys istegen. 47 adamdy óltirse de, tek 10-y ǵana dáleldengen. Djýmagalıevtiń ózi 50-ge jýyq  jezókshelerdi jegenin moıyndaǵan. Olardyń etinen tamaq ázirlep, dostaryna da osy tamaqty bergen eken. 8 jylǵa aýrýhanaǵa emdelýge jiberildi. Alaıda keıinnen qylmysker bostandyqqa shyqqan.

Isseı Sıgava

Japondyq adam jegish jastaıynan durys qalyptaspaı tolyqtaı jetilmegendigin óziniń áreketterimen dáleldeı bastaǵan. Stýdent shaǵynda óziniń kýrstas qyzyn úıine shaqyrǵan da atyp óltirgen. Odan soń 2 kún boıy onyń etin jegen. 2 jylǵa bas bostandyǵynana aıyrylǵan ol keıinnen aýrýhanaǵa jatqyzyldy. Keıinen Sagava aqyl-esi durys dep tanylyp bostandyqqa shyǵady. Arada biraz ýaqyt ótken soń ol restorandyq synshyǵa aınalady. Búginde ol kitap jazyp, suhbat berip tanymal tulǵaǵa aınaldy.

Qanisherler týraly aıtqanda ádette er adamdardy elestetemiz. Alaıda tarıhta sumdyq qatigezdigimen tanylǵan qanisher áıelder de bar.

Jesir áıel

19 ǵasyr men 20 ǵasyr aralyǵynda ómir súrgen bul áıel óziniń jaqyndary men týysqandaryn o dúnıege attandyrǵan. Onyń qolynan birneshe kúıeýleri men balalary qaza tapqan.

Djeın Topan

Medbıke qyzmetinde bolǵan Djeın Topan óziniń emdelýshilerin óltirgen. Balalar úıinen shyqqan ol joqsyzdyqta ómir súrgen, ákesi de aýrý bolǵan eken. Adamdarǵa esirtki salyp óltiretin bolǵan. Osydan lázzat alatynyn moıyndaǵan. Saraptamada Djeınniń aqyl-esi durys emestigi dáleldengen.

Qandy grafınıa

Elızabet Batorı qolynan 30-650 adam ólgen. Ańyzdarǵa súıensek, ol óziniń qurbandarynyń qanynda shomylǵan eken. Ómir boıy jas bolyp qalǵysy kelgen ol tek qyzdardy óltirgen.

Atalǵan qanisherlerdiń barlyǵy ómirde bolǵan, biz tynys alǵan aýamen olar da tynystaǵan. Búgingi kúni de qanisherler, manáktar, adam óltiretin jaýyzdar óte kóp. Olardyń birin bilsek, birin bilmeımiz. Árıne kópshilik qandyqoldardyń psıhologıalyq aýrý ekenine esh kúmán joq, alaıda keıbireýleri osy qylmystardyń barlyǵyn óziniń jeke basynyń qajetteligi men lázzaty úshin jasaǵandyǵy jaǵa ustatady.

Daıyndaǵan:Nazerke MUSA