Oqıǵa senbiden jeksenbige qaraǵan túni bolǵan. Júrgizýshisi ishken bolýy múmkin degen kúdikpen, Mersedes kóligin polıseıler toqtatpaq bolǵan kezde qymbat kólik mingender qasha jónelipti. Qala shetine toqtaǵan kóliktiń ishinen úsheý shyǵyp, artynan jetken 2 polıseıdi tepkiniń astyna alǵan. Osynyń kesirinen pogondar jyrtylyp, formalary qanǵa boıalǵan.
-Mynanyń astynyń bári, arqamnyń bári byt-shyt boldy. Bular ma saǵan atylǵan? – Mine myna ekeýi, áne úshinshisi áne.
30 jáne 20 jastaǵy qos polıseı uzaq taıaq jer me edi, tek artynan jetken eki ekıpajdaǵy polıseıler, úsheýdi áýpirimdep júrip, baılap tastaǵan. Bılik ókilderin tepkileýge kúshi jetkender tek óz isterin birden moıyndamaǵanymen, olar jasaǵan áreket vıdeoǵa túsip qalǵan bolyp shyqty.
-Qol kótergen jerim joq. Joǵeı bratan, meni jyrtyp tastady.
-Eı!
-Kórdiń ba boqtap jatqanyn.
-Dyryldatpasańyzshy. Men telefonymdy taýyp alaıynshy. Telefondy taýyp alaıyn da eý. Telefon qaı jaqta e!
Qarsylyqpen medısına saraptamasyna ázer jetkizilgen úsheýdiń de ishimdikten ábden siltegeni anyqtaldy. Al, soqqyǵa jyǵylǵan polısıa starshınasy men serjanty jumystaryn jalǵastyryp jatyr. Densaýlyqtaryna qanshalyqty zaqym kelgeni áli tekserilýde.
Jandos Sultanov, Eńbekshi aýdandyq İİB tergeý bóliminiń bastyǵy:
-Biz ol boıynsha sot-medısınalyq saraptama taǵaıyndaldy. Alaıda, polısıa qyzmetkerlerine kelgen dene jaraqattary boıynsha qazirgi ýaqytta olar óz qyzmetterin atqaryp júr. Tak, bul 3azamatta bir-birimen synyptastar, 87 jylǵy azamattar. Eki azamat QR azamattyǵyn alǵan. Al, bireýi Ózbekstan respýblıkasynyń azamaty.
Polıseılerdi soqqyǵa jyqqan úsheý qazir tergeý abaqtyǵysnda jaýap berip jatyr. Pogondylar olarǵa qatysty 2 bap boıynsha qylmystyq is qozǵaǵan. Ótken iske ókinetinin aıtqanymen polıseıler úshin jýan judyryqtylardy jazalaý ardyń isi bolyp tur.
