Reseı jáne AQSH prezıdentteri kezdesý ótkizbek, dep jazady Qamshy aqparat agenttigi.

 Kezdesýdiń basty maqsaty jumys jaıynda bolady, dep aıtty Pýtınniń baspasóz hatshysy Dmıtrıı Peskov Bı-bı-sı tilshisine bergen suhbatynda.

Kreml ókiliniń aıtýynsha, bul dıalog «kúnnen kúnge ulǵaıyp jatqan problemalar men synı buqaralyq janjaldardy sheshýde, tıimdiligin arttyrýda álem úshin asa mańyzdy».

«Eki prezıdent alǵashqy ret kezdesip otyr. Mańyzdysy – osy», - dedi Peskov. Kremldiń málimetinshe, kezdesý jumys aıasynda ótedi.

Al Pýtın Tramppen qol alysyp amandasýǵa daıyn ba degen suraqqa Peskov «tilishige tyǵyryqqa tiregenin» aıtqan.

Peskovtyń aıtýynsha, Pýtın Tramppen kezdesýge «Úlken jıyrmalyq» samıtine daıyndalǵandaı úrdispen daıyndalyp jatqan kórinedi.

Pýtın men Tramptyń alǵashqy kezdesýi 7 shildede bolmaq. Ol kún germanıalyq Gambýrgtegi «Úlken jıyrmalyq» samıtine tuspa-tus keledi.

Eki basshynyń jeke kezdesýi jóninde 4 shilde kúni beligili bolǵan. Peskov tilshilerge «aıaqta tik turatyn emes», «tolyqqandy otyratyn» kezdesý ótetinin málim etti.

Kreml ókili Tramp pen Pýtınniń kezdesýinde órbıtin taqyryptar retinde mynalardy atady: halyqaralyq terorızmmen kúres, Sırıa men Ýkraına máselesi, sondaı-aq «qarýsyzdaný salasy».

Sholýshy: Gúlim Jaqan