Astanadaǵy halyqaralyq EXPO-2017 kórmesi aıasynda kásipqoı boks keshi ótedi. Birinshi jarysta Qazaqstannyń 22 jasar kásibı boksshy qyzy Fırýza Sharıpova álem chempıony ataǵyna talasatyn bolady, dep habarlaıdy Qamshy aqparattyq agenttigi EKSPO-nyń medıa ortalyǵyna silteme jasaı otyryp. Sport keshin halyqaralyq EXPO-2017 kórmesi jáne Fırýza Sharıpovanyń komandasy uıymdastyrýda.
«Astana EKSPO-2017» ulttyq kompanıa basshysy Ahmetjan Esimov Sharıpovanyń komandasymen kezdesip, álemge áıgili otandyq sportshylar men EKSPO kórmesiniń maqsaty bir ekenin atap ótti.
«Men áıelder arasynda kásibı bokstan birinshi álem chempıony atanýǵa úlken múmkindik týǵanyna jáne bul ataq úshin Qazaqstanda básekege túsetenime qýanyshtymyn. Halyqaralyq EXPO-2017 kórmesi uıymdastyrýshylaryna jáne arnaıy basqarma tóraǵasy Ahmetjan Esimovke osyndaı aýqymdy forýmda sóz sóıleýime múmkindik bergeni úshin alǵys bildiremin», - dep atap ótti Fırýza Sharıpova.
Kásipqoı boks EXPO-2017 aýmaǵyndaǵy ózine 6 myń kórermen jınaı alatyn amfıteatrda ótpek. Aıta keteıik, Fırýza Sharıpova 10 jastan bastap bokspen aınalysa bastady. Áýesqoı mansap jolynda eki ret Qazaqstan chempıony, Azıa chempıonatynyń júldegeri jáne álem chempıonatynyń shákirti boldy.
2016 jyldyń 21 mamyrynda Máskeý qalasynda kásiqoı boksta Denıs Lebedev pen Vıktor Ramıres ótkizgen aýqymdy kezdesýdiń anderkardy atanǵan Olımpıadanyń kúmis júldegeri, eki dúrkin álem chempıony, úsh dúrkin Eýropa chempıony Reseılik Sofıa Olıchıvamen judyryqtasty. Sodan keıin, ol Ispanıada, Qazaqstanda jáne Reseıde judyryqtasty. 29 maýsymda Máskeýde ótken sońǵy jekpe-jeginde Fırýza Reseılik Bıanka Práshkany birinshi raýndtan keıin jeńdi.
Sholýshy: Ásel Bolatqyzy
