Donald Tramp «Úlken jıyrmalyq» samıtinen oralǵannan keıin jańa máselege tap boldy. AQSH-taǵy prezıdenttik saılaýǵa birneshe aı qalǵanda onyń úlken uly Nú-Iorkte reseılik zańgermen kezdesken. Ol Tramptyń ulyna Demokratıalyq partıanyń atynan saılaýǵa túsetin Hılları Klıntonǵa qarsy kompromat berýge ýáde bergen dep habarlaıdy Qamshy aqparattyq agenttigi New York Times-qa silteme jasap.

Senbi kúni atalmysh gazet 2016 jyldyń 9 maýsymynda Kishi Donald Tramp, Tramptyń kúıeý balasy Djared Kýshner jáne sol ýaqytta Tramptyń saılaý shtabynyń basshysy bolǵan Pol Manafort "Tramp-taýerde" reseılik zańger Natalıa Veselnıskaıamen kezdeskenin jazdy. New York Times-tyń málimetinshe, onyń Reseımen baılanysy bar.

Kishi Donald Tramp Veselnıskaıamen kezdeskenin moıyndady, alaıda mańyzdy aqparat bermegin aıtady. Desek te, tergeýshiler Kishi Donald Tramptyń rasymen de Reseımen baılanysy bolýy múmkin zańgerden Hılları Klıntonǵa qarsy maǵlumat alǵysy keldi me degen suraqqa jaýap izdeıdi.  

Sholýshy: Ásem Álmuhanbet