«Astana arlandary» ekinshi jeńiske qol jetkizdi dep habarlaıdy Qamshy.kz.
Astana qalasyndaǵy «Qazaqstan» sport kesheninde «Astana Arlandary» men «Kýba Domadores» komandalary arasynda Búkil álemdik boks serıasy WSB jobasynyń VII maýsymnyń fınaldyq jekpe-jegi ótip jatyr.
56 keli salmaqtaǵy İlıas Súleımenov qarsylasy HaverIbanesti 48:47. 48:47. 48:47 upaı sanymen jeńdi.
Básekeniń alǵashqy oınynda Iohanýs Argılagospen qolǵap túıistirgen Temirtas Júsýpov 5 raýndtyq básekede upaı sanymen qarsylasynan basym túsken bolatyn.
Qazaq jurty kóz tikken aıtýly dodada el namysyn qorǵaıtyn kelesi jekpe-jekte
52 keli, Oljas Sáttibaev – Iosbanı Veıtıa
60 keli, Zákır Safıýllın – Lazaro Alvares
64 keli, Dilmurat Mıjıtov – Endı Krýz
69 keli, Aslanbek Shymbergenov – Ronel Iglesıas
75 keli, Ábilhan Amanqul – Aren Lopes
81 keli, Arman Rysbek – Hýlıo La Krýs
91 keli, Anton Pınchýk – Erıslandı Savon
91 keliden joǵary, Oljas Buqaev – Ioandrı Toırak
Nursultan Amanjolv rezervte shyǵady.
Aıta ketsek, Qamshy.kz tilshisi jattyǵý zalyna jıi baryp, «Astana arlandarynyń» tartysty jekpe-jekke daıyndyǵyn baqylaǵan bolatyn. Sondaı-aq, «Astana Arlandarynyń» bas bapkeri Nurlan Aqúrpekovtiń aqtyq aıqasqa daıyndyǵy týraly suhbat jarıalanǵan edi.
Bir aıta keterligi kýbalyqtar bul fınalǵa kileń Olımpıada, Álem chempıondaryn, tek qana birinshi nomerli boksshylaryn ákelgen. Al «Astana Arlandary» komandasy ekinshi, úshinshi, tórtinshi nomerli boksshylardan quralsa da Ózbekstan, Reseı, Ázirbaıjan, Qytaı, Anglıa sıaqty elderdiń tek qana birinshi nomerli boksshylaryn jeńip, fınalǵa jetken.
Kásipqoı boksta qazaqtyń týyn jedbiretip júrgen jigitter Meıirim Nursultanov, Madıar Áshkeev jáne Asqat Ýalıhanov Búkilálemdik boks serıasynyń WSB jobasy boıynsha fınalǵa shyqqan «Astana Arlans» boksshylaryna sáttilik tilegen edi.
