«Astana Arlandary» «Kýba Domadores» arasyndaǵy onynshy jekpe-jek óte tartysty ótti dep jazady Qamshy.kz.
Olımpıada chempıony Reıner Iglezıas Sotolongomen alańǵa sońǵy bolyp shyqqan Aslanbek Shymbergenov eseptiń basyn teńestirdi.
Astana qalasyndaǵy «Qazaqstan» sport kesheninde «Astana Arlandary» men «Kýba Domadores» komandalary arasyndaǵy toǵyzynshy aıqas 60 kelide kórermenderdiń kóńilinen shyǵyp júrgen jas batyr Zákir Safıýllın buǵan deıin aldaǵy qarsylasy bolǵan kýbalyq Lazaro Alvares Estradamen tústi.
Jalpy on aıqasta qazaqtar 5 ke 5 upaımen esepti teńestirdi. Jeńis enshilegen tórt jekpe-jek — básekeniń alǵashqy oınynda Iohanýs Argılagospen qolǵap túıistirgen 49 keli salmaqtaǵy Temirtas Júsýpovtiń, 56 keli salmaqtaǵy Haver Ibanesti jeńgen İlıas Súleımenovtiń, aýyr salmaqta Toırakty jeńgen Oljas Buqaevtyń jáne Lazaro Alvares Estradamen túsken Zákir Safıýllınnyń enshisinde.
Alaıda 91 keli aýyr salmaqta Anton Pınchýk – Erıslandı Savonmen sharshy alańǵa shyǵyp, qarsylasyna ese jiberse , tórtinshi bolyp alańǵa 64 keli salmaqta Endı Krýzǵa qarsy Dilmurat Mıjıtov qarsylasyna ese jibergen edi. Besinshi bolyp alańǵa 75 keli salmaqta shyqqan Ábilhan Amanqul da upaı sanymen Aren Lopesten jeńilis tapqan. Al, La Krýspen altynshy bolyp alańǵa shyqqan Arman Yrysbek te qazaq quramasy qorjynyna jeńis syılaı almady. Jetinshi básekede Oljas Sáttibaev Iosbanı Veıtıaǵa qarsy tura almaı qaldy.
Esterińizge salaıyq, sport dodasy Búkil álemdik boks serıasy WSB jobasynyń VII maýsymnyń fınaldyq jekpe-jegi bolyp tabylady.
