Nıgerıada Kalabar erkin saýda aımaǵynda munaı qoımasy jarylyp 30 adam qaza tapty. Taǵy 30 shaqtysy zardap shekken. Bul týraly Qamshy.kz aqparat agenttigi sheteldik BAQ-qa silteme jasap habarlaıdy.
Málimetterge qaraǵanda, qoımanyń jarylý sebebi, jerge shashylǵan janarmaıǵa jaqyn jerde shylymnyń shegýi bolýy múmkin. Úlken aýmaqty alyp ketken jarylys oryn alǵan kezde jumysshylar janarmaıdy konteınerlerge quıyp jınap jatqan. Kýágerlerdiń aıtýynsha úlken jarylys bir adamnyń shylym shegýiniń áserinen bolǵan. Al taǵy bir derekke qaraǵanda, jarylys dál bir jumysshynyń janarmaıdy urlap bara jatqan sátinde oryn alǵan. Oryn alǵan apatqa baılanysty tekserý jumystary júrgizilýde.
