Kreml Vladımır Pýtınniń 2018 jylǵy prezıdenttik saılaý baǵdarlamasyn negizdeıtin «bolashaqtyń beınesin» jasap shyǵara alar emes. Bul jumystyń úlken eńbekpen atqarylyp jatqanyn "Habarshyǵa" prezıdent ákimshiligine qatysy bar, ári burynǵy federaldyq sheneýnik habarlaǵan, dep jazady Qamshy.kz aqparat agenttigi.

Basylymnyń málimetinshe, «bolashaqtyń beınesi» baǵdarlamasynyń «deldaldary» jıi aýysty: alǵashynda baǵdarlamaǵa telejúrgizýshi Valerıı Fadeev jaýapty boldy, keıinnen Azamattyq qoǵamdy damytý qorynyń dırektory Konstantın Kostın basshylyq etse, odan soń «Qoǵamdyq oı» qorynyń dırektory Aleksandr Oslon baǵdarlamany qolyna aldy.

«Bolashaqtyń beınesi – bul ekonomıkalyq, qoǵamdyq jáne saıası baǵdarlama. Fadeev Qoǵamdyq palataǵa aýysqandyqtan, ári Kostınniń qolynan kelmegendikten biraz qıyndyqtar bolǵan. Al Oslon baǵdarlama negizinde áleýmettik zertteý júrgizedi», - dep aıtty ákimshilikke qatysy bar adam.

Onyń aıtýynsha, Pýtınge arnalǵan bolashaqtyń beınesimen 10 shaqty uıym aınalysýda: Alekseı Kýdrınniń strategıalyq ortalyǵy, MMÝ-daǵy ekonomıkalyq fakúltetiniń dekany Aleksandr Aýzan, Sberbank prezıdenti German Gref. Jalpy kampanıaǵa jaýapty adam retinde ákimshilik basshylyǵynyń orynbasary Sergeı Kırıenkony atady.

«Bolashaqtyń beınesi» qyrkúıektiń aıaǵynda daıyn bolýy tıis.

Vladımır Pýtın tórtinshi merzimdik prezıdenttikke nıetti me, joq pa, bul jaıynda resmı málimdeme jasaǵan joq. Prezıdenttik saılaý aldaǵy jyldyń naýryzynda ótedi.