Venesýelada memleket prezıdenti Nıkolas Madýronyń konstıtýsıalyq reformasyna oraı búkilhalyqtyq referendýmǵa jeti mıllıon adam qatysty, dep jazady Qamshy.kz aqparat agenttigi. Al Venesýeladaǵy halyq sany 31 mıllıon adamdy quraıdy.

Saılaýshylarǵa prezıdent Madýronyń konstıtýsıaǵa qaıta jazý josparyn qoldaıtyny jóninde suraq qoıyldy. Basym kópshiligi prezıdenttiń bastamasyna qarsy shyqty. Olar Venesýela konstıtýsıasyna ózgeris engizý parlament rólin álsiz etip, prezıdent ókilettiligin kúsheıtedi dep sanaıdy.

Madýro opozısıa ótkizgen referendýmdy zańsyz deıdi.

Referendým kezinde el astanasy Karakasta belgisiz bireýler saılaý aýmaǵynda oq atyp, sonyń saldarynan bir adam mert boldy. Úsh adam jaraqattandy. Opozısıa bul shabýyldyń artynda bılik tur dep sanaıdy.

Venesýelada birneshe aıdan beri ótip jatqan bılikke qarsy sharalar barysynda 100-ge jýyq adam qaza taýyp, 500-i jaraqattandy, myńnan kóbi tutqyndaldy.