24 jastaǵy Tehas turǵyny Krıstıana Gerrero jaqynda óziniń birge shańyraq qurǵan jary men ómirge kelýin taǵatsyzdana kútip júrgen sábıimen birge jarqyn bolashaqty josparlap júrgen. Olardyń uldary jańa jyl qarsańynda dúnıege kelý kerek edi. Alaıda taǵdyr olarǵa kútpegen synaq jiberdi...
San-Antonıoda jas jubaılar birge tamaqtanyp bolǵannan soń úılerine qaıtyp kele jatqan jolda jantúrshigerlik jol apaty oryn alǵan. Rólde otyrǵan Krıstıananyń kúıeýi saý bolǵanymen olarǵa kólikti mas kúıinde júrgizip kele jatqan júrgizýshi kelip soqtyǵysqan. 21 jastaǵy mas júrgizýshi óte joǵary jyldamdyqpen qarsy betten shyǵyp, jantúrshigerlik jol apatyna sebepshi boldy. Krıstıananyń jary Fadıan oqıǵa ornynda qaza tapqan, al áıel aýrýhanaǵa jetkizildi, dep jazady Qamshy.kz aqparat agenttigi sheteldik BAQ-qa silteme jasap.
Alǵashqyda dárigerler balanyń júregi soǵyp turǵanyn aıtqan, alaıda birneshe ýaqyttan keıin dárigerler jaǵdaıdyń múldem basqasha ekendigin aıtyp moıyndaýǵa májbúr boldy. Sábı anasynyń qursaǵynda jatyp qaza tapqan eken... Dárigerler óli uryqty alyp tastaýǵa sheshim qabyldaǵan.
Jaqyn adamdarynyń ómirden ótip ketkendigin qalamaǵan Krıstıana óziniń áleýmettik jelidegi jeke paraqshasynda barlyq júrgizýshilerge arnap post jazdy.
«Bul sýrette men endi esimdi jıyp, balam men kúıeýimnen aıyrylyp qalǵan kezim edi. Al bul oqıǵaǵa bir júrgizýshiniń mas kúıinde rólge otyrǵandyǵy sebep boldy.
"Mundaı jaǵdaı eshkimniń basyna túspese eken deımin, eshqashan qaıtalanbasa eken! Mas kúıinde kólik júrgizýge bekingen adamdy kórgen bolsa, onyń qolynan kúshtep bolsyn kóliginiń kiltin alyp alý kerek nemese iship alǵan adamdar bireýge qońyraý shalyp, ózin alyp ketýin ótinse eken. Alaıda bul joly jaǵdaı múldem basqasha boldy...
Eshkimde óziniń ómirin jazyqsyz adamnyń ólimine sebepker bolǵany úshin ókinishpen ótkizgisi kelmeıtin shyǵar. Sol sebepti de ótinish qurmetti júrgizýshiler, rólge mas kúıinde otyrmańyzdarshy. Bulaı sizder tek ózińizdiń emes, ózgeniń de ómirimen oınap jatqandyqtaryńyzdy túsinseńizder eken deımin...
Aldaǵy ýaqyttarda ózimniń oqıǵammen sizdermen bólisetin bolamyn. Eń qurymaǵanda, bul oqıǵa basqa bireýge sabaq bolar, ózge bireýdiń zarlap qalýyna jol bermes...» - dep jazady Krıstıana.
Jol kólik apatyna sebepker bolǵan adam qatty jaraqat alǵan, alaıda tiri qalypty. Mas kúıinde kólik júrgizgeni úshin oǵan «adam ólimi» boıynsha aıyp taǵylyp, tergeý isi júrip jatyr.
Aýdarǵan: Nazerke Labıhan
