Ózbekstan prezıdenti Shavkat Mırzıeev 17 tamyzda Ózbekstanda resmı saparmen júrgen Qazaqstannyń qorǵanys mınıstri Sáken Jasuzaqovty qabyldady dep jazady Qamshy.kz aqparat agenttigi.

Ózbekstandyq  ortalyq jańalyqtar qyzmetiniń málimetine súıensek, qorǵanys mınıstri Sáken Jasuzaqov ózin jyly qabyldaǵan Ózbekstan prezıdentine alǵysyn bildirip, Elbasy Nursultan Nazarbaevtyń atynan tabysty eńbek pen shynaıy sálemin joldady. Sondaı-aq, mınıstr Qazaqstan men Ózbekstan arasynda áskerı-tehnıkalyq qarym-qatynastyń damýyna múddeli ekenin ári birlesip jumys isteýge daıyn ekenin bildirgen.

Kezdesý barysynda eki el arasyndaǵy áskerı-tehnıkalyq yntymaqtastyq máseleleri talqylanǵan. Atap aıtqanda, taraptar Ózbekstan men Qazaqstannyń qorǵanys mınıstrliginiń óndiris kooperasıasy men áskerı kadr daıyndaýda ózara is-qımyldaryn tıimdi damytýdy talqylady.