Reseıdiń birinshi vıse-prımeri Igor Shývalovtyń oıynsha, Eýrazıalyq ekonomıkalyq odaqta Reseı emes, Qazaqstan – kóshbasshy. Bul týraly Reseıdiń bılik ókili búgin «Eýrazıalyq aptalyq» halyqaralyq forýmynda aıtty, dep habarlaıdy Qamshy.kz aqparat agenttigi.

«EAEQ aıasynda Reseıdiń kóshbasshylyq etýi – asa qaýipti. Degenmen bul baǵytqa baılanysty bizde túsinik te bar, mamandar da jetkilikti. Alaıda biz ózimizdiń rólimizdi kórsete bastasaq, atalmysh saıası joba Kremlge tán degen sekildi qoǵamda daý týady. Al Qazaqstan prezıdenti joba ıdeıasynyń negizin qalaýshy bolyp tabylady. Ol 90-jyldardan bastap eýrazıalyq seriktestik aıasynda túrli ıdeıalardy kótergen. Sondyqtan osy jobada Qazaqstannyń kóshbasshylyǵyn moıyndaımyz», – dedi Shývalov.

Sondaı-aq, sıfrly ekonomıkany qurý, shekteýler men aıyrý máseleleri boıynsha Eýrazıalyq ekonomıkalyq odaqty damytý turǵysynda Qazaqstan kóshbasshylyǵyn kórgisi keletinin jetkizdi. Odan bólek Shývalov Eýrazıalyq odaq boıynsha ózge de seriktesterdiń atalmysh pozısıany qoldaıtynynan úmitti.

«Eýrazıalyq seriktestik qundylyqtarynyń kóshbasshysy retinde Qazaqstan prezıdenti Nursultan Ábishuly Nazarbaevty úlgi tutamyz. Qazaqstanda alǵa ilgerileý bastamasy qalyptasady dep senemiz», – dedi ol.