Germanıanyń Gambýrg qalasynda bokstan ótip jatqan álem chempıonatynda  Abylaıhan Júsipov jeńiske jetti dep habarlaıdy Qamshy.kz aqparat agenttigi.

Qazaqstandyq boksshy Abylaıhan Júsipov ıtalıandyq Vınchenso Mandjakapremen judyryqtasty. Bastapqy kezde tóreshiler Abylaıhannyń jaraqatyna baılanysty úshinshi raýndta jekpe-jekti toqtatyp, jeńisti ıtalıandyq boksshyǵa bergen.  Biraq jekpe-jektiń esebi qaıta qaraldy. Sonyń nátıjesinde, Abylaıhan jeńiske jetti.

Aıta keteıik, 28 jastaǵy ıtalıandyq boksshy London Olımpıadasynda Danıar Eleýsinovti jeńip, jartylaı fınalda kýbalyq boksshydan jeńilip, qola júldege ıe bolǵan. Bakýde ótken álem chempıonatynyń qola júldegeri (2011), Ankarada ótken Eýropa chempıonatynyń qola júldegeri (2011) jáne Bakýde ótken Eýropa oıyndarynyń kúmis júldegeri (2015) ataǵyna ıe.