Germanıanyń Gambýrg qalasynda ótip jatqan bokstan álem chempıonatynda qazaqstandyq 4 boksshy jartylaı fınalǵa ótti dep habarlaıdy Qamshy.kz aqparat agenttigi.

49 kelige deıingi salmaqta ótken jekpe-jekte judyryqtasqan Jomart Erjan,  56 kelige deıingi salmaqta ótken jekpe-jekte baǵyn synaǵan Qaırat Eralıev, 75 kelige deıin salmaqta judyryqtasqan Ábilhan Amanqul jáne 91 keli salmaqta baǵyn synaǵan Vasılıı Levıt jartylaı fınalǵa ótti.                                                                                                   

Aıta keteıik, shırek fınalda otandasymyz Ábilhan Amanqul kýbalyq Arlen Lopespen judyryqtasty. Al Qaırat Eralıev Omar El-Hagti jeńdi. Jomart Erjan  reseılik boksshy Vasılıı Egorovpen kezdesti. Vasılıı Levıt aýstralıalyq boksshy Djeıson Ýotelıdi jeńdi.

Endi keshki sesıada 69 keli salmaqta Abylaıhan Júsipov, 81 kelide Erik Áljanov, 91 keli salmaqta Qamshybek Qońkabaev judyryqtasady. Otandastarymyzdyń jekpe-jegin  "Qazsport" arnasynan tikeleı efırde kóre alasyzdar.