Germanıanyń Gambýrg qalasynda ótken 2017 jylǵy bokstan álem chempıonatyna qatysqan Qazaqstan komandasy 4 qyrkúıek kúni tańda Astanaǵa kelip qondy, dep habarlaıdy Qamshy.kz aqparat agenttigi QBF baspasóz qyzmetiniń málimetine súıenip.

Bizdiń sportshylar 6 medal oljalady. Jalǵyz altyn medaldy shymkenttik óren Qaırat Eralıev enshiledi.

«Olımpıadadan keıin boks quramasy 70 paıyz jańardy. Sol sebepti óte jaqsy óner kórsettik, - deıdi ulttyq quramanyń bas bapkeri Myrzaǵalı Aıtjanov álem birinshiligin qorytyndylaı. - Jumys isteıtin tustar da bar, biraq bizdiń qosalqy quram óte myqty. Tokıoǵa kileń shyńdalǵan jigiterden jasaqtalǵan qurammen baramyz. Onda bir emes, eki-úsh altyn medal alamyz».

Qaırat Eralıevtiń altyn medalinen basqa, Ábilhan Amanqulov pen Qamshybek Qońqabaev eki kúmis enshiledi. Al Vasalıı Levıt, Jomart Erjan jáne Abylaıhan Júsipovter qolany qanaǵat tutty.