Aıtarlyqtaı saılaý naýqanyn ótkizgenińiz qutty bolsyn. Mıllıondaǵan adam sizge úmit artty, qaı partıaǵa jatatynymyzǵa qaramastan barshamyz sizdiń bılik qurý kezińizde dáýletimiz artyp, qaýipsizdigimiz kúsheıedi dep úmit qylýymyz kerek.

Bul - erekshe qyzmet, tabysqa jetýdiń naqty bir jospary joq, sondyqtan qandaı da bir keńesim paıdaly bolar ma eken, bilmedim. Sonda da sońǵy segiz jylda oıyma túıgen az-kem keńesimdi usynýǵa ruqsat etińiz.

Birinshiden, ekeýmizdiń de túrlishe jaǵdaıda keremet jolymyz boldy. Eldiń bárine mundaı baq buıyrmaıdy. [AQSH-taǵy] eńbekqor ár bala men otbasynyń tabysqa jetýi úshin qoldan kelgenniń bárin jasaý - bizge qarap turǵan is.

Ekinshiden, amerıkalyq jetekshiliktiń myna álem úshin qajettiligi óte zor. Áreket qyla otyryp, úlgi bola júrip, "Qyrǵı qabaq soǵystan" soń keńı túsken hám baılyǵymyz ben qaýipsizdigimiz úshin ózimiz de táýeldi bola túsken halyqaralyq tártip júıesin saqtaý - bizge qarap turǵan is.

Úshinshiden, biz - bul keńseniń ýaqytsha turǵyndarymyz. Bul jaıt bizdi zań ústemdigi, bılik bólinisi, teńdikti qorǵaý men azamattyq bostandyqtar sıaqty bizge deıingiler qan tógip qorǵaǵan demokratıalyq ınstıtýttar men dástúrlerdiń saqshysyna aınaldyryp tur. Kúndelikti saıasattyń yryń-jyryńyna qaramastan demokratıamyzdyń osy quraldaryn ózimiz qabyldap alǵan kúıdegideı qýatty etip tapsyryp ketý de - bizge qarap turǵan is.

Aqyrǵy aıtarym, qyzmet pen mindettiń ortasynda júrseńiz de, dostaryńyz ben otbasyńyz úshin ýaqyt tabyńyz. Bul jandar aınalyp ótýge kelmeıtin qıyn-qystaý shaqtan sizdi aman alyp ótedi. Mıshel ekeýmiz sizge jáne Melanıaǵa osy bir ǵalamat saparlaryńyz sátti bolsyn dep tileımiz, qolymyzdan kelgenshe kómektesýge daıar júretinimizdi bilgeısizder.

Baqtaryńyz taımasyn, Qudaı jar bolsyn,
B.O".

Ǵalym Boqashtyń Facebook paraqshasynan