Los-Andjeles qalasynyń mańaıynda órt órship tur. Jalyn qazirdiń ózinde úsh jarym myń gektar aýmaqty kúlge aınaldyrdy. Shahar meriniń aıtýynsha, bul Los-Andjeles tarıhyndaǵy eń alapat ot. Bul týraly Qamshy.kz aqparat agenttigi korrespondent.net málimetine súıenip habarlaıdy.
500 maman jáne birneshe tikushaq jalyndy óshirýge tyrysqanymen, órttiń 10 paıyzy ǵana sóndi. Sol aýmaqta 700-den astam qurylys nysany bar. Mańaıdaǵy eldi mekenge de qaýip tóngendikten júzdegen adam basqa jerge kóshirildi. Taǵy birneshe jol jabylǵan.
Mamandardyń aıtýynsha, tilsiz jaýdy óshirýge aýa raıynyń qolaısyzdyǵy da keri áser etip tur. Osy kúnderi aımaqta aýa temperatýrasy 38 Selsıı gradýsqa deıin joǵarylap, jel turǵan. Ázirge tabıǵı apattan qaza tapqandar men jaralanǵandar týraly málimet joq.
