Katalondyq «Barselonanyń» shabýylshysy Lıonel Messı klýbpen kelisimshartyn uzartýǵa nıetti emes. Onda Cero basylymynyń habarlaýynsha, shabýylshy komandadan ketýdi kózdep otyr dep jazady Qamshy.kz aqparat agenttigi. 

Basylymnyń málimeti boıynsha, Messı 2018 jyly erkin agent retinde «Barselonadan» ketýdi oılastyryp otyr eken.

Shilde aıynyń ortasynda katalonıalyq klýbtyń prezıdenti Hosep Bartomeý klýb argentınalyq shabýylshymen kelisimshartty uzartý týraly kelisimge kelgenin habarlaǵan edi. Mundaı málimdemeni keshe klýb dırektory Albert Soler de aıtty. Biraq klýb pen shabýylshy kelisimshartty uzartý týraly kelisimge áli kelmegen.

Basylym Messıdiń qazirgi klýb basshylyǵyna kóńili tolmaıtynyn aıtyp, eger basshylyq aýyspasa, keler jyly komandadan ketetinin jazady.

Eske salaıyq, 30 jastaǵy shabýylshy katalonıalyq klýbtyń sapynda 2000 jyldan beri óner kórsetip keledi. Osy ýaqyttyń ishinde ol tórt ret «Altyn dopty» segiz ret Ispanıa birinshiligin, bes ret Ispanıa kýbogyn, tórt ret Chempıondar lıgasyn jeńip alǵan. Jalpy, klýbtyq deńgeıde Messı «Barselonamen» 30 kýbok enshilegen.

Aıta keteıik, Messıdiń «Barselonamen» kelisimsharty 2018 jyldyń 30 maýsymynda aıaqtalady.