Mánmadaǵy musylmandarǵa jasalyp otyrǵan genosıdke qarsy Sheshenstandaǵy Groznyı qalasynyń turǵyndary mıtıńke shyqqan bolatyn. Resmı derekke sáıkes mıtıńke qatysqan adamdardyń sany 1 mln. 100 myń bolǵan, - dep jazady Qamshy.kz aqparat agenttigi sheteldik BAQ-qa silteme jasaı otyryp. Mıtıńke shyqqandar Mánmadaǵy rohındja musylmandarǵa jasalyp jatqan jaýyzdyqty toqtatýdy talap etip otyr. Atalǵan mıtıńke Sheshenstannyń basshysy Ramzan Qadyrov ta qatysyp, sóz sóıledi. Sonymen birge ózge aımaqtardan da myńdaǵan adamdar kelip, mıtıńke atsalysqan bolatyn. Groznyı qalasynyń birneshe telearnalary mıtıńti tikeleı efır arqyly kórsetken. Mıllıonnan astam adamnyń maqsaty men talaby bir. Olar óz baýyrlaryna jasalyp jatqan soryqylyqty toqtatyp, jaýyzdardyń jazalanǵanyn qalaıdy.
Eske sala ketetin bolsaq, Mánma úkimeti óz elin mekendegen rohındja musylmandaryn jaýyzdyqpen, azaptap óltirip jatyr. Resmı derekke sáıkes qaza tapqan musylmandardyń sany 400 bolsa, beıresmı derekterge súıensek olardyń sany 4 myńǵa jetken.
