Facebook basshylary, eki jylǵa jýyq ýaqytta boljaldy túrde Reseımen baılanysy bar degen jalǵan paraqshalar saıası jarnamalardy 100 myń dollarǵa satyp alyp otyrǵanyn aıtty dep habarlaıdy Qamshy.kz aqparat agenttigi BBC-ge silteme jasap. Facebook óziniń boljamdarymen Reseıdiń prezıdenttik saılaýǵa qatysy bar, joǵyn tekserip júrgen AQSH bıligimen bólisti.

AQSH-tyń arnaıy qyzmeti aǵymdaǵy jyldyń qańtar aıynda Reseıdi Trampqa prezıdenttik saılaýda jeńiske jetýine kómektesti dep aıyptaǵan. Onyń ishinde áleýmettik jelilerde qoǵamdyq pikirge áser etý úshin jalǵan aqparat taratý arqyly áser etkeni týraly da aıtty.

Áleýmettik jeli qaýipsizdigi qyzmetiniń basshysy Aleks Teımos jarnamalyq alańdardy satyp alýǵa qatysty tekserý nátıjesinde, 2015 jyldyń mamyr aıy men 2017 jylǵa deıin 100 myń dollardy 470 jalǵan paraqshalar men akkaýnt arqyly 3 myń habarlandyrýǵa jumsaǵany anyqtaldy.

«Keıbir akkaýnttar Sankt-Peterbýrgtegi trollder fabırıkasymen tikeleı baılanysty. Olar ózderin ınternetti zertteý agenttik dep ataıdy. Alaıda bizde ony aıǵaqtaıtyn múmkindik joq» dedi Facebook basshylarynyń biri.

Feık akkaýnttar áleýmettik jeli zańyn buzǵandyqtan barlyq jazbalary buǵattaldy. Facebook jarnamanyń mazmuny men ol týraly aqpartatty aıtýdan bas tartty.