Memleket basshysyna qordyń bıylǵy 8 aıda atqarǵan jumysy men iske asyrǵan jobalary, sondaı-aq ony odan ári damytý jospary jóninde esep berildi, dep habarlaıdy Qamshy.kz aqparat agenttigi.

"Biz bıyldan bastap qordyń jumysyn birshama ózgerttik. «Sıfrlyq Qazaqstan» baǵdarlamasyna sáıkes, «Smart Zholy» jáne «Method PRO» jobalary ázirlenip, engizildi. Búkil Qazaqstan boıynsha kompúter baǵdarlamalaryn jasaýmen aınalysa bastaǵan daryndy jastar men olardyń ónimderin tutynatyn elimizdiń jáne sheteldiń iri kompanıalarymen ózara baılanysyn ornatý – osy jobalardyń basty erekshiligi.  Qor İT-tehnologıalar salasyndaǵy kásibı mamandarǵa aldaǵy ýaqytta da qoldaý kórsetýdi josparlap otyr", – dedi Qordyń atqarýshy dırektory Q.Jumabaev.

Budan soń Nursultan Nazarbaevqa Qazaqstan Respýblıkasynyń Tuńǵysh Prezıdenti – Elbasynyń qory janyndaǵy Álemdik ekonomıka jáne saıasat ınstıtýtynyń jobalary men perspektıvalary jóninde málimdeldi. Atap aıtqanda, onyń dırektory E.Saltybaev ınstıtýt qyzmetiniń basty baǵytynyń biri retinde búkil Eýrazıa óńirindegi biregeı saraptamalyq-taldaý orny – Astana klýbyn damytý jospary týraly baıandady.

Qazaqstan Prezıdenti Álemdik ekonomıka jáne saıasat ınstıtýtyn júıeli túrde nyǵaıtý qajet ekenin atap ótti.

"Instıtýt búgingi jaǵdaımen ǵana shektelip qalmaýǵa tıis. Halyqaralyq deńgeıge shyǵyp, álemniń jetekshi ǵalymdarymen kezdesýlerdi jan-jaqty jarıalap kórsetý arqyly jurtshylyqqa tanytý kerek", – dedi Nursultan Nazarbaev.

Memleket basshysy Qazaqstan Respýblıkasynyń Tuńǵysh Prezıdenti – Elbasynyń qory jumysynyń tujyrymdamalyq negizine erekshe toqtaldy.

"Biz qordyń basty maqsatyn aıqyn ustanýymyz kerek. Ol – Qazaqstandy halyqaralyq deńgeıde ilgeriletý, elimizdiń ımıjin jaqsartý, daryndy jastarymyzǵa qoldaý kórsetý jáne sarapshylar qoǵamdastyǵymen ózara tıimdi is-qımyl ornatý. Sondaı-aq, ıadrolyq qarýdyń taralýyna qarsy kúres júrgizý osy qor jumysynyń mańyzdy baǵyty bolýǵa tıis", – dedi Qazaqstan Prezıdenti.

 Elbasymyz taıaýda jarıalaǵan «Bolashaqqa baǵdar: Rýhanı jańǵyrý» atty baǵdarlamalyq sıpattaǵy maqalasynda «Týǵan jer» baǵdarlamasyn qolǵa alýdy usyndy.Onda memleket basshysy otansúıgishtik sezimniń kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalatynyn aıtqan bolatyn. Bul jaı sóz emes, úlken bir iske bastaıtyn úndeý ispetti. Sebebi Elbasymyz baǵdarlama aıasynda basqa aımaqtarǵa kóship ketse de týǵan jerlerin umytpaı, oǵan qamqorlyq jasaǵysy kelgen kásipkerlerdi, sheneýnikterdi, zıaly qaýym ókilderi men jastardy uıymdasýǵa, týǵan jerge qoldaý jasaýǵa shaqyrdy.Kóktemde kóterilgen másele kúzde óz jemisin berip te úlgerdi dese bolǵandaı.

Máselen, taıaýda Almaty qalasynyń Naýryzbaı aýdanynda jańa emhananyń tusaýy kesildi. Almatylyq iri kásipker Tavabır Haırýllauly saldyrǵan bul emhana qarapaıym halyqtyń ıgiligine qyzmet etýi úshin qala ákimshiliginiń qaramaǵyna berildi. «Týǵan jer» baǵdarlamasynyń aıasynda júzege asqan bul ıgi bastamany kórýge Elbasynyń ózi Almatyǵa arnaıy at basyn burdy. Jalpy, osy saparynda Elbasy Naýryzbaı aýdanynyń áleýmettik-medısınalyq hal-ahýalymen tanysty. Osy tusta aıta ketýimiz kerek, qala quramyna jańa engen tusta bul aýdanda 92 myń turǵyn bolatyn. Soǵan bir aýrýhana, bir feldsherlik pýnkt, bir mezgilde 200 adam qabyldaıtyn tórt dárigerlik ambýlatorıa, on dárihana qyzmet etti.Al búginde aýdan turǵyndarynyń sany kúrt ósip, 157 myńǵa jetken.Soǵan saı medısınalyq mekemeler de keń qanat jaıdy.

Atap aıtqanda, qazir Naýryzbaı aýdanynda eki iri qalalyq klınıkalyq aýrýhana, aýysymyna myń adam qabyldaıtyn tórt qalalyq emhana, 58 dárihana bar. Buryn jalpy tájirıbelik dárigerge 3000 adam júktelgen bolsa, búginde jańadan emhanalar salynyp, halyqqa qyzmet ete bastaǵan soń, bul júkteme eki esege azaıdy. Arnaıy mamandar tapshylyǵy da joıylyp, turǵyndarǵa qajetti skrınıngtik ortalyq, balalar men eresekterge arnalǵan reabılıtasıalyq ortalyq, áıelder konsýltasıasy, ambýlatorly jáne kishiınvazıvti hırýrgıa, mamandardyrylǵan medısınalyq kómek bólimderi ashyldy. Sonymen qatar, birińǵaı Call-ortalyq, elektrondy kezek, mobıldi qosymsha jumys jasaıdy. Aýrýhanaǵa jatqyzylý kezegi 59 naýqastan, búginde 12 naýqasqa deıin azaıdy. Ana ólimi tirkelmedi, bala ólimi 7,2-den 3,2-ge deıin kemidi.Medısınalyq mekemelerdiń ahýalyn Elbasyna tanystyryp júrgen Almaty qalasy Densaýlyq saqtaý basqarmasynyń basshysy Ýálıhan Ahmetov endi az ýaqyttan soń «Qalqaman» shaǵyn aýdanynda taǵy bir medısınalyq mekemeniń ashylatynyn, al «Taý samaly» shaǵyn aýdanynda emhananyń qurylysy bastalǵany jóninde baıandady. 2018 jyly tusaýy kesiledi dep josparlanǵan bul emhana bir aýysymda 500 adamǵa deıin qabyldaıdy.Jáne aýdan turǵyndaryn túgel derlik qamtıtyn jedel medısınalyq kómek podstansıasy iske qosylmaq.

Sóz basynda aıtqanymyzdaı, Elbasynyń Naýryzbaı aýdanynyń densaýlyq saqtaý mekemelerin aralaýǵa túrtki bolǵan osy aýdandaǵy taıaýda ashylǵan jańa emhana máselesi. Prezıdentimiz N.Á.Nazarbaev óziniń «Týǵan jer» baǵdarlamasynda aıtylǵan máseleni birden qolǵa alyp, qarapaıym halyqqa eń qajet degen emhana saldyryp bergen osy óńirdiń iri kásipkeri Tavabır Haırýllaulyna jumys sapary barysynda, alǵys bildirýdi jón kórgen.