Reseı Qorǵanys mınıstrligi   AQSH áskerıleriniń Sırıada júrgenin dáleldeıtin  aerofotosemka jasaǵan. Fotosýretterden AQSH áskerıleriniń «DAISH memleketi» ornalasqan  aýmaqta júrgendigi anyq kóringen. Alaıda, osy máselege baılanysty AQSH eshqandaı pikir bildirmedi. Bul týraly RIA Novostı-ge silteme berip Qamshy.kz aqparat agenttigi habarlaıdy. 

Máskeý óz kezeginde Vashıngtonnyń Sırıadaǵy áreketteri terorızmge qarsy kúres júrgizý maqsatymen emes, basqa sebeptermen jasalyp jatqanyn aıtyp otyr.

AQSH áskeriniń Sırıada qandaı maqsatpen ornalasqanyn tek bul eldegi terrorısterdiń kózin joıǵan soń ǵana belgili bolady deıdi Reseı SİM basshysy  Sergeı Lavrov.

Jaqynda Reseıdiń Qorǵanys mınıstrligi DAISH memleketi ornalasqan aýdandardy sýretke túsirip jarıalaǵan bolatyn. Sýretter vedomstvonyń Feısbýktegi resmı paraqshasynda jarıalanǵan.

Fotosýretterden AQSH áskeriniń tehnıkalyq quraldarymen birge DAISH memleketi terıtorıasynda óte erkin, eshqandaı qaýip-qatersiz qozǵalyp júrgeni anyq baıqalǵan. Osy oraıda, AQSH-tyń DAISH terrorısterin joıýǵa baǵyttalǵan maqsaty shyn máninde shyndyqqa janaspaıtynyn baıqaýǵa bolady deıdi reseılik SİM.

AQSH óz tarapynan Reseıdiń dálel men dáıekterine, suraqtaryna jaýap bermeı otyr.