Birde bir áıel úıine qaıtyp bara jatyp, kósheden qolyna shybyq alyp, jer syzyp otyrǵan bir balany kóredi. Qasynan ótip bara jatyp, qyzyqtap:
– Balaqaı, ne istep otyrsyń? – dep suraıdy.
Bala da:
– Jánnatty telimdep satyp otyrmyn, – dep jaýap beredi. Balanyń jaýabyna rıza bolyp, ezý tartqan áıel:
– Maǵan da Jánnattan bir jer telimin berseń qaıtedi?
– Qansha turady? – dep suraıdy áıel.
– Eki myń teńge, ápke, – deıdi bala.
Áıel de balaǵa eki myń teńge ustatyp, óz jolyna kete barady.
Áıel úıine keledi. Joldaǵy oqıǵany baıaǵyda umytyp ketken. Sol túni áıel tús kóredi. Túsinde... Jánnatta júr eken.
Ertesi kúni túsin kúıeýine aıtyp beredi. Kúıeýi dereý balanyń otyrǵan jerine barady.
Barsa, bala dál sol jerde jerge birdeńeler syzyp otyr eken. Adam da balaǵa týra áıeliniń suraǵyn qoıady.
– Ne istep otyrsyń?
Bala áıeline jaýap bergen jaýapty aıtady.
Adam:
– Maǵan da Jánnattan bir jer telimin berseń qaıtedi, qansha turady? – dep suraıdy.
Bala:
– Bir trıllıon teńge, – dep jaýap beredi.
– Ne dep tursyń sen? Áıelime eki myń teńge depsiń ǵoı?
Bala:
– Alaıda, áıeliń ol aqshany Jánnatty alý úshin emes, kóńilimdi tabý úshin berdi, – deıdi.
– Sen Jánnatty osynshama arzan dep oıladyń ba? Jánnat arzan da emes, qymbat ta emes. Jánnat alý – kóńil tabýdan bolady, – dep jaýap beredi bala.
Osy hıkaıadan keıin Máýlananyń myna sózi oıǵa oralady:
«Qaǵba Ázerdiń uly Ibrahımniń qalaǵan ǵımaraty. Al kóńil bolsa, Alla Taǵalanyń nazary túsetin mekeni. Sol sebepti, bireýdiń kóńilin buzý myń Qaǵbany qıratýdan da jaman»
