QR SİM Qyrǵyzstan prezıdenti Almazbek Atambaevtyń memlekettik syılyqtardy tapsyrý rásiminde aıtqan sózine qatysty málimdeme jasady dep habarlaıdy Qamshy.kz aqparat agenttigi.
«Qazaqstan Respýblıkasynyń Syrtqy ister mınıstrligi qyrǵyz BAQ-tarynda taratylǵan 2017 jylǵy 7 qazandaǵy Qyrǵyz Respýblıkasynyń Prezıdenti A. Atambaevtyń Qazaqstan Respýblıkasynyń basshylyǵyna qatysty sózderine baılanysty qatań narazylyq bildiredi jáne mundaı sózderge eki dostas memleketter arasyndaǵy qatynastarda jol berilmeýi tıis dep sanaıdy.
Qyrǵyzstan Prezıdentiniń saılaý aldy maqsatyndaǵy jaýapsyz, arandatýshylyq mándi jáne jalǵan pikiri elderimiz arasyndaǵy dostyq pen ózara kómektiń kópǵasyrly baılanystaryna nuqsan keltire almaıtynyna senim bildiremiz.
Qazaqstan tarapy qyrǵyz halqymen dástúrli baýyrlastyq qatynastaryn damytý jolyna berik bolyp qala beredi» delingen málimdemede.
Aıta keteıik, Almazbek Atambaev memlekettik syılyqty tapsyrý kezinde Qyrǵyzstanǵa "qazaqstandyq bılik tańyp otyrǵan" jetekshiler jaıly pikir aıtqan.
«Men ádil saılaý ótkizemin. Halyq óz basshysyn tańdaýy kerek. Halyq kimdi tańdasa, ıaǵnı ol adam soǵan laıyq. Qazaq bıligi Bákıevti jaqsy kóredi. Sondyqtan dál sondaı basqarýshylardy bizge tańǵysy keledi. Men áli kúnge deıin Qazaqstannyń resmı ókilderinen Bákıevtiń adamdardy atqanyn durys degenin estımin» dedi Qyrǵyzstan prezıdenti Almazbek Atambaev.
