Belorýs prezıdenti Aleksandr Lýkashenko Sochıdegi samıtte TMD-nyń baıaý jáne nátıjesiz jumys isteıtinin aıtty dep jazady Qamshy.kz aqapart agenttigi. Onyń oıynsha, TMD da reforma júrgizý qajet. 

«Sheshim qabyldap jatyrmyz, alaıda onyń júzege asýyna mán bermeımiz. Qabyldanyp jatqan sheshimder de bizdiń dárejemizde emes. Jınalyp alyp barlyǵy jaqsy sekildi otyramyz. Shyn mánisinde, ónimdilik óte tómen» dedi Belorýs prezıdenti.

Lýkashenko  TMD-nyń parlamentaralyq assambleıasynyń qyzmetin de synady.

«Eger assambleıa jumysyn durys júrgize almasa onyń qyzmetin toqtatýǵa da bolady emes pe?     Buǵan deıin oǵan arnaıy ýákilettilik berýdi usyndyq. Zań qabyldadyq, biraq onyń birde-biri bizdiń ulttyq zańymyzǵa sákes kelmedi» dedi Lýkashenko.

BAQ-ta Reseı men Belorýssıanyń arasy qaıta shıelenise túskenin jarysa jazyp jatyr. Lýkashenko «Batys-2017» oqytýynda Pýtınmen birge polıgonǵa barýdan bas tartqan. Sonymen qatar, TMD samıtiniń aıasynda Pýtın tek Lýkashenkomen ǵana arnaıy kezdespegen.

Belorýssıa prezıdenti TMD úshin saýda, ekonomıka salasy mańyzdy ekenin atap ótti. Onyń ishinde erkin saýda-sattyq júrgizilip, qaýipsizdik máseleleri qaralý qajet ekenin basa aıtty.