Ózińizdiń osal jáne myqty tustaryńyzdy durys baǵalaı bilý asa paıdaly. Sebebi bizdi ómirde alǵa jeteleıtin, jetistikterge jol salatyn – ol, sózsiz, boıymyzdaǵy myqty qasıetter. Sondyqtan sizge tómendegi qyzyqty testti usynyp otyrmyz. 
Aldyńyzda 8 tıpti adamnyń keskinderi berilgen. Olar úshburysh, dóńgelek jáne kvadrattan qurastyrylǵan. Ózińizdi olardyń qaısysymen baılanystyrasyz? Sony tańdap, ózińiz jaıly jaýapty oqı otyryńyz. 
Nátıjesi: 
1 tıp – «basshy» 
1-shi tıptegi adamdardyń ádette jetekshilik pen uıymdastyrýshylyqqa beıimdiligi bar. Áleýmettik mańyzdylyǵy bar is-áreket normalaryna súıenedi. Sheshendik qabiletke ıe. Áleýmettik ortada ońaı beıimdeledi. Ózgelerge júrgizetin ústemdigin shekten shyǵarmaıdy. Mundaı qasıetter psıhıkalyq damý dárejesine tikeleı baılanysty ekenin este ustaǵan jón. Joǵarǵy dárejeli damý: jeke qasıetteri jaqsy jetilgen, ornymen qoldana biledi. Tómengi dáreje: joǵaryda aıtylǵan qasıetteri is júzinde kórinbeýi múmkin. 
2 tıp – «jaýapkershiligi mol oryndaýshy» «Basshy» tıpiniń kóp qasıetteri boıynda kezdesedi. Alaıda, mańyzdy sheshimder qabyldar sátte senimsizdik tanytady. Bul tıpti adamdar «naǵyz istiń adamy», óz kásibiniń sheberi, jaýapkershiligi joǵary, ózgelerge jáne ózine talap qoıǵysh keledi jáne erekshe shynshyl. Kóbine júıke júıesimen baılanysty somatıkalyq aýrýlardan zardap shegedi. 
3 tıp – «beımaza jáne sekemshil» 
Daryny men qabiletteriniń jan-jaqtylyǵymen sıpattalady. Bir ǵana mamandyq ıesi bolý olarǵa qanaǵat ákelmeıdi. Aıaq astynan kútpegen mamandyqqa ótýi múmkin. Oǵan qosa, qosalqy mamandyq retine súıikti hobbıi de bolýy ǵajap emes. Lastyqqa shydap tura almaıdy. Sonyń sebebinen ózgelermen sózge kelýi múmkin. Óte sezimtal jáne ózine senimdiligi azdaý keledi. Sondyqtan azdap qoldaýdy qajet etedi. 
4 tıp – «oqymysty» 
Bul tıptegi jandar shynaıy ómirden alystaýǵa jaqyn. Barlyq nársege óz tujyrymdaryn jasaýǵa beıim. İshki úılesimdikti ustap tura alady jáne árbir qadamyn utymdy jolmen oılastyrady. Ataýly tıptiń ókilderi sıntetıkalyq óner adamdarynyń arasynan kezdesedi: kıno, sırk, teatr, múltıplıkasıa jáne t.b.

5 tıp – «ıntýıtıvti» 
5-shi tıptes adamdar júıke júıesiniń asqan sezimtaldyǵymen erekshelenedi. Bir isten ekinshi iske ońaı bet buryp kirise alady. «Jańalyqqa» asqan sezimtaldyqpen qaraıdy. Ózgelerge jıi qamqorlyq jasaıtyn áltrýıster. Qolóner zattarǵa ıkemdi, túrli beınelermen qıaldaıdy. Al bul qasıetter óz kezeginde shyǵarmashylyqtyń tehnıkalyq túrlerimen aınalysýǵa múmkindik beredi. Ádette óziniń janynan oılap shyǵarǵan jeke qaǵıdalary bar, ózin-ózi jaqsy ustaıdy. 
6 tıp – «ónertapqysh, konstrýktor, sýretshi» 
Tehnıkalyq qabiletteri jaqsy damyǵan jandardyń arasynda kezdesedi. Ushqyr qıaldy bul tıp ókilderi ádette tehnıkalyq, kórkemóner jáne ıntellektýaldyq shyǵarmashylyqpen aınalysady. Kóbine tuıyq keledi, ıntýıtıvti tıpke uqsas jeke qaǵıdalaryna saı ómir súredi. Ásershil, óziniń tyń ári qaıtalanbas ıdeıalaryna tolyqtaı beriledi. 
7 tıp – «emosıonaldy» 
ózgelerge jany ashyǵysh, aýyr mazmundy kınolar úshin qatty qaıǵyrady, qatygez oqıǵalarǵa kýá bolsa, birazǵa deıin ózine kele almaı júredi. Ózgelerdiń qıyndyǵyn bólisip, jeńildetem dep júrip, ózin umytyp ketedi. 
8 tıp – «ózgelerdiń sezimderine nemquraıly» 
Emosınaldy tıpke qarama-qarsy. Ózgelerdiń ishki sezimderin elemeıdi, tipti, olarǵa qysym kórsetýge bar. Ózi qajet dep bilgenin ózgelerge ótkize alady. Jaǵdaıǵa qaraı, keıde tym qatygez.