Elimizde qyzý talqyǵa túsip jatqan latyn álipbıine kóshý máselesi jóninde birneshe qoǵam qaıratkerleri men zıaly qaýym ókilderi ózderiniń pikirlerin bildirdi, dep habarlaıdy Qamshy.kz aqparat agenttigi.

Eńbek ardageri Asylmurat Turǵanbekov: 

«9 qazandaǵy Aqordada ótken jınalys oıdaǵydaı ótti dep oılaımyn, sebebi álipbıdi odan ári jetildirý boıynsha oılar tyńdalyp dıgraftardyń ornyna apostrofpen jazýǵa toqtalǵandyǵymyz durys dep sanap, ony tolyqtaı qoldaımyn.»

Men ózim 1940 jyly týylǵanmyn, týý týraly kýáligimde aty-jónim latyn álipbıimen jazylǵan. Oǵan kóshýdiń saıası, mádenı jáne tarıhı rólderiniń mańyzy zor. Bul jańǵyrýdyń úlken bir tiregi, bastaýy bolyp tabylady. Barlyǵy álipbıiden bastalyp, tilimiz tazaryp, ósip ónedi, sebebi bul bizdiń tól álipbıimiz bolyp tabylady. Ulttyq qundylyǵymyzdy nyq bekitetin qadam.

QR birinshi ánuranynyń avtory, jazýshy Jadyra Dáribaeva:

«Kúni buryn Aqordada ótken jınalys nátıjeli boldy dep sanaımyn. Aldynǵy nusqaǵa qaraǵanda keshegisi jeńildeý, ońaı qabyldanady jáne jazylady. Sebebi eki nemese úsh áripten bir dybys berý qıyn soǵady, al endi óz bastaýymyzdy saqtaı otyryp bir dybystan bir árip shyǵaramyz. Bul sheshimdi tolyqtaı qoldap, latyn álipbıine kóshý alǵa nyq basatyn qadam bolatyndyǵyna shyn júrekten senemin.»

Profesor, fılologıa ǵylymdarynyń doktory Aıgúl İsmaqova:

«Bul kúnderi qazaq tiliniń jańa álipbıine baılanysty másele qoǵamda qyzý talqylanýda. Elbasymen kezdesken ǵalymdar A. Baıtursynov atyndaǵy Til bilimi ınstıtýtynyń daıyndaǵan jobasyn usyndy. Budan buryn usynǵan 25 áripten turatyn 3 tańbaly álipbı qıyndaý bolyp kelse, keshesi usynǵan nusqa eń qolaıly jáne kópshiliktiń oıynan shyǵady. Ǵalym retinde bul ózgeristi tolyǵymen qoldaımyn.

Degenmen, tutastaı alǵanda álipbı jobasynda áli de oılanatyn, sarapqa salyp, tájirıbeden ótkizip baryp qoldanysqa engizetin tustar bar.

Sonymen birge, esh asyǵystyq tanytpaı qazaq álipbıin latyn qarpine kóshirý úderisine qatysty aqparattyq-túsindirý jumystaryn jalǵastyrý qajet dep eseptemin.»