Mánma memlekettik keńesshisi Aýn San Sý Chjı ózi bilim alǵan Oksfordtaǵy adam quqyqtary salasyndaǵy marapatynan aıyrylyp qaldy, ― dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.  

Oksfordtyń qalalyq keńesi bırmalyq saıasatkerdi marapattan aıyrýǵa biraýyzdan daýys bergen. Bul sheshim álemge tanymal oqý ornynda bilim alǵan Mánma basshysynyń musylmandarǵa qarsy zorlyq-zombylyq pen genosıdtik áreketterge kóz juma qaraýy Oksford bedeline nuqsan keltiredi degen sebeppen qabyldanǵan.

Aıta ketetin bolsaq, tamyz aıynyń sońynda Mánmadan Bangladeshke 500 myńnan asa rohındjalyq musylman qashyp shyqqan. Mánmadaǵy  rohındja musylmandary men jergilikti turǵyndardyń arasynda birneshe jyl boıy zańsyzdyqtar bolǵan. Adam quqyqtary salasynda belsendiligimen belgili Mánma kósemi Aýn San Sý Chjı osy áreketterge nemquraıly qaraǵandyqtan qatań synǵa ushyrady.