Kalıfornıanyń soltústiginde ornalasqan orman órtke oranyp qurban bolǵandardyń sany 31-ge jetti, — dep habarlaıdy Qamshy.kz  aqparat agenttigi sheteldik BAQ-qa silteme jasaı otyryp.

Osydan birneshe kún buryn tótenshe jaǵdaı Napa, Sonoma jáne Iýba aımaqtarynda bolǵan. Atalǵan aımaqtan 20 myńnan astam adam kóshýge májbúr boldy. 

Amerıkalyq bıliktiń habarlaýynsha, bundaı órt  Amerıka tarıhynda buryn bolmaǵan. 1500 ǵımarat órttiń kesirinen qırandyǵa aınaldy.

Kalıfornıanyń ońtústigindegi ormanda órt jıi bolyp tursa, soltústiktegi ormandar sırek órtenedi.

«Órt kóptegen ǵımaratty qıratty jáne myńdaǵan adamnyń ómirine qaýip tónip tur. Sondyqtan jergilikti turǵyndardy tez arada evakýasıalandyrý kerek», ― dep málimdedi Kalıfornıa shtatynyń gýbernatory Djerrı Braýn. 

Osyǵan deıin Kalıfornıaǵa jaqyn aımaqtaǵǵy ormandar órtengen bolatyn. Tótenshe jaǵdaı áli de jalǵasýda. Atalǵan órttiń saldarynan elde 100-den asa adam joǵalyp, 3,5 myńnan astam ǵımarat qırap qalǵan.