Qys ta keldi. Taıdy taǵy Kúz sertten.
Qar jaýyp tur kúıge ulasyp biz shertken. 
Qara jerdiń aıǵyz - aıǵyz kelbeti,
Qara qoıdyń terisindeı tuz sepken.

Óldi mezgil, jete almastan armanǵa az,
Ózgermegen tek tákáppar Taý mańǵaz.
Qar astynan jylytady janymdy, 
Keshe ǵana kúzge ókpelep qalǵan Jaz.

Qaharly qys, qatalsyz - aý, kekshilsiz...
Kóńilderden qońyr muńym kóshti únsiz.
Qara aspannan appaq ulpa jaýdyrǵan,
Quldyq urdym Qudiretke esh minsiz!

Janaryńda jylt-jylt etip shyq kúmis
Aı, qarasha, qaýysty qush, útti qush!.. 
Amalyń joq, amanat et armandy - 
Aldymyzdan aq boz minip shyqty qys..

Júregimde salqyndyq bar azdaǵan, 
Salqyn júzben kóz tastaıdy áz - ǵalam... 
Kúzge ǵashyq aqyn edim qaıteıin, 
Kúz týraly Odany áli jazbaǵan. 

Sanamdaǵy saǵynyshty buǵaýlap,
Qarashadan qar ushady qylaýlap.
Bizdiń sherdi tarqatatyn ún - túnsiz,
Kúzdiń sońǵy qoltańbasy - mynaý baq.

Qalqaman Sarın