Parlament Senaty Qarjy jáne búdjet komıtetiniń keńeıtilgen otyrysynda «Memlekettik aýdıt jáne qarjylyq baqylaý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy qaraldy, dep habarlaıdy Qamshy.kz aqparat agenttigi.

Zań jobasy memlekettik aýdıt júıesin odan ári reformalaý qajettigin eskere otyryp, birqatar ózgerister engizýdi kózdeıdi. Atap aıtqanda, aýdıtke halyqaralyq standarttardy engizý jáne tıisti qyzmet salalarynyń kadrlar quramyn jaqsartý úshin memlekettik aýdıtordyń «asıstenti» uǵymy engiziledi.

Túzetýler búdjettik baǵdarlamalar ákimshileri men memlekettik mekemelerdiń qarjylyq eseptiliginiń jyl saıynǵy aýdıtin táýekelderdi basqarý júıesiniń negizinde ótkizýdi; sondaı-aq ishki memlekettik aýdıt jónindegi ýákiletti organnyń ishki memlekettik aýdıtti ótkizý qaǵıdalaryn bekitýdi kózdeıdi.

Zań jobasy ishki memlekettik aýdıt jónindegi ýákiletti organnyń jáne (nemese) olardyń laýazymdy adamdarynyń áreketterine (áreketsizdigine) shaǵym jasaý kezinde týyndaıtyn daýlardy appelásıalyq túrde retteý tártibi bekitilgen.

Jobaǵa sáıkes ishki aýdıt qyzmetteriniń búdjettik prosestiń tıimdiligine aýdıt júrgizedi. Memlekettik aýdıtorlardy sertıfıkattaý jónindegi ulttyq komısıadaǵy ókilderdiń sandyq quramy aıqyndalady.

Odan basqa, memlekettik aýdıtorlardyń etıkalyq erejeler men kásibı standarttardy saqtamaǵany úshin jaýapkershiligin kúsheıtildi, Ulttyq komısıaǵa memlekettik aýdıtor sertıfıkatyn keri qaıtaryp alý quqyǵyn beriledi, memlekettik aýdıtorlarǵa jazalaý sharasy retinde eskertý jasaý qoldanylady. Memlekettik aýdıtor bolýǵa úmitkerler úshin jumys istep júrgen úsh memlekettik aýdıtordan minsiz jáne iskerlik bedelin rastaıtyn usynymdar berý týraly talaptar engiziledi.

Zań jobasy Palatanyń qaraýyna jiberildi.