Ońtústik Koreıa kórshiles Soltústik Koreıa sportshylarynyń Phónchhandaǵy Olımpıada oıyndaryna qatysýy úshin osy elge salynǵan sanksıalardy jeńildetýi múmkin. Bul týraly Ońtústik Koreıa syrtqy ister mınıstrliginiń ókili No Gú Dok málimdedi dep habarlaıdy Qamshy.kz aqparat agenttigi sheteldik BAQ-qa silteme berip. Biraq ázirge Seýldiń Phenánǵa qatysty qandaı shekteý sharalaryn alyp tastaıtyny belgisiz.
Osyǵan baılanysty, Ońtústik Koreıa BUU Qaýipsizdik Keńesiniń sanksıalar komıteti, AQSH jáne basqa da memlekettermen keńesetinin jetkizdi. Degenmen osyndaı málimdemege qaramastan, Seýl halyqaralyq qaýymdastyqtyń Soltústik Koreıaǵa salǵan shekteý sharalary odan ári qoldanyla beretinin atap ótti. AQSH bıligi óz kezeginde Koreı túbegi ıadrolyq qarýdan azat aımaqqa aınalmaıynsha, Phenánǵa qatysty saıasatyn ózgertpeıtinin málimdedi.
