Qazaqstanda atmosferalyq aǵyndardyń  ótýine baılanysty 10 qańtardy respýblıkanyń basym bóliginde qar jaýady, jelmen birge burqasyn bolady, tuman, kóktaıǵaq, tek qıyr ońtústik-shyǵysta ǵana jaýyn-shashynsyz, dep habarlaıdy Qamshy.kz aqparat agenttigi Qazgıdromet málimetine súıenip.

Qaraǵandy oblysynda jel 15-20, keı jerlerde 25 m/s, jekelegen aýdandarda burqasyn, kóktaıǵaq bolady.

 Aqmola oblysynda túnde keı jerlerde, kúndiz basym bóliginde jel 15-20, keı jerlerde ekpini 23-28 m/s, jekelegen aýdandarda burqasyn, kóktaıǵaq.

Pavlodar oblysynda túnde keı jerlerde, kúndiz basym bóliginde jeldiń jyldamdyǵy 15-20 m/s, jekelegen aýdandarda burqasyn, kóktaıǵaq bolýy yqtımal.

Shyǵys Qazaqstan, kúndiz Jambyl oblysynyń keı jerlerinde burqasyn, kóktaıǵaq, jel 15-20, ekpini 23-28 m/s, Jambyl oblysynyń keı jerlerinde tuman túsedi.  

Qyzylorda, Ońtústik Qazaqstan oblystarynyń keı jerlerinde tuman, kóktaıǵaq, jel 15-20, ekpini 25 m/s jetedi.

Qostanaı, Aqtóbe, Atyraý, Mańǵystaý oblystarynyń keı jerlerinde burqasyn, tuman, jeldiń jyldamdyǵy 15-20 m/s jetedi, Atyraý, Mańǵystaý oblystarynyń keı jerlerinde kóktaıǵaq.  

Soltústik Qazaqstan oblysynyń keı jerlerinde jel 15-20 m/s, kúndiz keı jerlerde burqasyn, kóktaıǵaq bolady.

 Almaty oblysynda Jalańashkól aýdanynda  jel 15-20 m/s kúsheıedi.  Batys Qazaqstan oblysynyń keı jerlerinde  tuman túsedi.