Astanada ótetin Sırıa jónindegi kezekti kelissóz Reseı, Iran jáne Túrkıanyń syrtqy ister mınıstrleriniń kezdesýinen keıin, kelesi aıda ótetin boldy. Bul týraly Qazaqstannyń syrtqy ister mınıstri Qaırat Ábdirahmanov habarlady, dep jazady Qamshy.kz aqparat agenttigi.

Byltyr 21-22 jeltoqsanda Astanada kezdesken bitimgerler aqpan aıynda taǵy bas qosamyz dep kelisken. Aıdyń basynda da Ábdirahmanov aqpannyń 20-synda jańa kelissózge daıyndalyp jatqandaryn málimdedi.

«Astana prosesindegi kepil memleketter — Reseı, Túrkıa jáne Iran aldymen syrtqy ister mınıstrlerdiń basyn qosýdy josparlap otyr. Bul kezdesý de Astanada ótýi múmkin», - dedi ol.

Qazaqstan syrtqy ister mınıstriniń sózinshe, Taıaý Shyǵystaǵy qazirgi jaǵdaılarǵa baılanysty báriniń jumys kesteleri óte tyǵyz. Sol sebepten kezdesýler naýryz aıynda josparlanýy múmkin.