Parklend qalasyndaǵy mekteptiń birinde atys jasaǵan Nıkolas Krýz tergeýshilerge shabýyl jasaýyna ne túrtki bolǵanyn aıtyp berdi dep habarlaıdy Qamshy.kz aqparat agenttigi. 

Onyń aıtýynsha, ol daýystar estigen. Olar Nıkolasqa qaıda baryp, ne isteý kerektigin nusqaǵan.

19 jastaǵy jigitti biletinder onyń minezi qıyn ekenin aıtady. Ony asyrap alǵan otbasy Nıkolas Krýzdyń sońǵy ýaqytta depressıada bolǵanyn jáne psıhoterapevtke qaralyp júrgenin aıtady. Biraq seanstar toqtaǵan.

Nıkolas Krýzdyń tanysy ony qarýǵa erekshe qyzyǵýshylyq tanytatyn aqyl-esinen adasqan adam retinde sıpattady.

Nıkolas buǵan deıin Instagram-ǵa tapansha men pyshaq ustap turǵan fotolaryn jıi jarıalaǵan. Al sýrettiń astyna musylmandar týraly ázildep, atysty – «toptyq terapıa» dep jazǵan.

Ol 14 aqpanda 17 adamdy óltirip, 14 adamdy jaraqattady. Aýrýhanada jatqan úsh adamnyń jaǵdaıy aýyr.

Nıkolas Krýz atys jasaǵan mektepte 2016 jyldyń aqpanynan 2017 jylǵa deıin oqyǵan. Ony tártibi úshin mektepten shyǵarǵan. Mektep ákimshiligi onyń naqty ne úshin mektepten shyǵarylǵanyn «jeke ómirge qol suqpaý» degen jeleýmen aıtpaı otyr.