Álemniń túkpir-túkpirinen óz qyzyǵýshylary men oıynshylaryn qalyptastyryp úlgergen Qyrǵyzstan uıymdastyratyn dúnıejúzilik kóshpendiler oıyndary baýyrlas eldiń eń sátti mádenı jobasy dep ataýǵa bolady, dep jazady Qamshy.kz aqparat agenttigi.
Osymen úshinshi ret ótkizilgeli otyrǵan dúnıejúzilik kóshpendiler oıyndary 2018 jyldyń 2- qyrkúıegine Ystyq kól aımaǵyndaǵy Sholpan-Ata qalasynda ótedi.
Dúnıejúzilik kóshpendiler oıyndardyń saltanatty ashylýyna álemniń 80 elinen 3000-ǵa jýyq sportshy qatysyp, 36 túrli etnıkalyq sporttyq jarystardan baq synaıdy.
Oıyndardy álemniń 50 elinen kelgen 500-ge jýyq BAQ ókilderi jarıa etetin bolady.
Premer-Mınıstr Sapar Isakov 2017 jylǵy 15 jeltoqsanda – kóshpendiler oıyndaryn uıymdastyrý jáne ótkizý jónindegi daıyndyq jumystary bastalǵanyn aıtqan bolatyn.
Isakov kóshpendiler mádenıeti jas urpaq arasynda tanymal bolyp kele jatqan kóne órkenıetterdiń biri ekenin atap ótti.
«Úshinshi dúnıejúzilik kóshpendiler oıyndarynyń aýqymy qatysýshy memleketterdiń is-sharaǵa qyzyǵýshylyǵyn týdyrady jáne elimizdiń ımıji men týrısik tartymdylyǵyn arttyrady», - dedi Isakov.
