Naýryz merekesi týraly 180 myń vıdeo: TikTok onlaın-festıvaldiń qorytyndysyn jarıalady
• TikTok #Naýryz2025 úshinshi jyl saıynǵy merekelik onlaın-festıvaldiń qorytyndysyn shyǵardy. Platformanyń qoldanýshylary bul bastamany zor qulshynyspen qoldady: joba ótken eki aptanyń ishinde qazaqstandyqtar Naýryz merekesine qalaı daıyndalyp, qalaı atap ótetini týraly 25 myńnan astam vıdeo jarıalaǵan. Festıvál ótkizilip kele jatqan úsh jyl ishinde qoldanýshylar Naýryz merekesi týraly jalpy sany 180 myńǵa jýyq vıdeo túsirgen.
• Bıylǵy onlaın-festıval seriktester sany jóninen de rekord ornatty. Olar: QR Mádenıet jáne aqparat mınıstrligi, QR Ǵylym jáne joǵary bilim mınıstrligi, QR Týrızm jáne sport mınıstrligi, «Kazakh Tourism» ulttyq kompanıasy, Visit Shymkent, Almaty týrızm búrosy jáne «Astana Tourism» týrızmdi damytý ortalyǵy.
• Onlaın-festıvalge sondaı-aq Qazaqstannyń túkpir-túkpirinen 24 joǵarǵy oqý orny qatysty.
Qysqa vıdeolar jasaýǵa arnalǵan TikTok biregeı platformasy birneshe jyldan beri Qazaqstannyń baı mádenı murasyn qoldaýǵa jáne nasıhattaýǵa baǵyttalǵan túrli bastamalardy júzege asyryp, qazaqstandyqtardyń ulttyq salt-dástúr kórkemdigin búkil álemge pash etýine múmkindik berip keledi. Osyndaı bastamalardyń biri, TikTok-ta úshinshi jyl qatarynan ótip jatqan – Naýryz merekesine arnalǵan onlaın-festıval. Platformanyń Qazaqstandaǵy myńdaǵan qoldanýshylary kóktemniń eń jarqyn merekesin jumyla atap óttii.
#Naýryz2025 TikTok-ta
Bıylǵy onlaın-festıvaldi TikTok qoldanýshylary qyzý qoldady: nebári eki apta ishinde olar #Naýryz2025 heshtegimen 25 myńnan astam vıdeo jarıalady. Platforma qoldanýshylary Naýryz merekesi týraly jan-jaqty baıandady: merekedegi dástúrler men onyń shyǵý tarıhy, ulttyq taǵamdar ázirleý ádisin bólisip, án áýelep, bı shalyqtaǵan merekelik sharalardan reportaj túsirip - tól mádenıettiń kórkem beınesin aıshyqtaı tústi.
Resmı seriktesterden bólek, jobany TikTok-taǵy tanymal kreatrlar da qoldady. Daryndy dombyrashy Jaqsy @zhakso_ "Qamajaı" ánin erekshe óńdep oryndady, al @ult_kazynasy bilim berý jobasyna qatysýshylar Naýryz merekesine qatysty qyzyqty derekterdi bólisti. Aspazdyq kontent jasaıtyn kreator Sanıa @saniya_sagiimbaeva keremet bezendirilgen ulttyq taǵamdar ázirlese, saıahatshy kreator Aset @travelove100 qoldanýshylarǵa merekelik kóńil-kúı syılady.
Sonymen qatar, TikTok alǵash ret eldiń iri qalalary: Astana, Almaty jáne Shymkenttegi merekelik is-sharalar ótken alańdarda arnaıy ınteraktıv oryndar ázirledi. Bul oryndar osy qalalardaǵy myńdaǵan turǵyndary men qonaqtardyń kózaıymyna aınaldy.
Merekelik dastarhan
Tamaq - festıváldiń basty taqyryptarynyń biri boldy. Qoldanýshylar qonaqtarǵa jaıylǵan dastarhandy kórsetip, naýryz-kóje, qýyrdaq jáne túrli táttilerdiń daıyndalý jolyn kórsetti. Naǵyz aspazdar saıysyna qatysyp, Qazaqstandaǵy túrli aspazdyq mádenıetti qalaı ushtastyrýǵa bolatyny týraly ázildesti. Sondaı-aq ulttyq taǵam usynatyn mekemelerge sholý jasap, áralýan tkontent usyndy.
Ulttyq mýzyka jáne bı
Mereke kezinde TikTok-ta ulttyq áýender áýeledi. Dombyra trendke aınaldy: dombyrada sheber oınaıtyn qoldanýshylar ónerin pash etip, dástúrli jáne zamanaýı týyndylarǵa kaver tartty. Sondaı-aq ulttyq kıim kıip, bı bıleý de TikTok lentasyn jaýlady. Ásirese Saıa Mahambettiń "Qazaǵymsyń" ánine bıleý – jeke trendke aınaldy. Qoldanýshylar bul ánge úıde, dostarymen, otbasymen birge bılep, tipti ándi skrıpkamen de súıemeldep kórdi.
Zamanaýı jáne dástúrli sán óneriniń úılesimi
Festıváldiń eń eleýli trendi - ulttyq sán ónerine jáne ony qazir zamanǵa beıimdeýge degen aınymas qyzyǵýshylyq boldy. Qoldanýshylar ulttyq kıimderdi jańǵyrtyp, zamanǵa saı ınterpretasıada usyndy. Tipti olar mereke kúni betterine oıý-órnektermen makıaj jasap, urpaqtar jalǵastyǵy men mádenı muraǵa osylaı da qurmet kórsetti.
«Qazaqstan Respýblıkasynyń Mádenıet jáne aqparat mınıstrligi TikTok platformasynyń jyl saıynǵy #Naýryz2025 onlaın-festıvalin ótkizý bastamasyn quptaıdy. Bul bastama ulttyq dástúr men mádenı qundylyqtardy qadyń kópshilikke, ásirese jastarǵa nasıhattaýǵa yqpal etedi. Biz sıfrlyq platformalardyń materıaldyq emes mádenı murany saqtaý men ilgeriletýge qosqan úlesin joǵary baǵalaımyz. Naýryzdyń tarıhyna, merekelik dástúrlerge shynaıy qyzyǵýshylyq tanytqan qazaqstandyq qoldanýshylardyń belsendiligi urpaqtar arasyndaǵy sabaqtastyq pen ulttyq biregeılikti saqtaýǵa degen zamanǵa saı umtylysty kórsetedi. Mundaı bastamalar eldiń mádenı tutastyǵyn nyǵaıtyp, kreatıvti ındýstrıanyń damýyna septigin tıgizetinine senimdimiz», dep atap ótti Qazaqstan Respýblıkasynyń Mádenıet jáne aqparat mınıstrligi.
Merekelik is-sharalar
TikTok platformasy Astanadan Shymkentke, Aqtaýdan Almatyǵa deıin, elimizdiń túkpir-túkpirindegi qalalar men aýyldarda ótken merekelik is-sharalardan túsirilgen jarqyn kórinisterge toldy. . Kóktemniń eń kórkem merekesin atap ótý úshin mıllıondaǵan adam kóshege shyǵyp, ulttyq taǵamdardan dám tatyp, túrli oıyn-saýyq sharalaryna qatysyp, merekelik kóńil kúılerin TikTok - ta bólisti. Rekord ta tirkeldi: Kókshetaýda 1600 áıel kımeshek kıip, áserli sherý ótkizdi. Al Aqtaýda 5 myńnan astam adam ulttyq kıimmen Kaspıı teńiziniń jaǵalaýyna jınalyp, salt-dástúrge degen qurmetti pash etti.
Stýdentterdiń shyǵarmashylyǵy
Bıyl – qazaqstandyq joǵary oqý oryndarynyń stýdentteri men oqytýshylary erekshe belsendilik tanytty. Olar ulttyq kıim kıip, qoıylymdarǵa qatysyp, dastarhan jaıyp, JOO qabyrǵasynda Naýryz qalaı toılanatynyn kórsetti. Jalpy, #Naýryz2025 onlaın-festıvaline Qazaqstannyń 24 joǵarǵy oqý orny qatysty. Mysaly, Almaty Management University-de ulttyq kıim úlgileri kórsetilse, Narxoz University stýdentteri bı trendine qosyldy, Nazarbayev University-de dombyramen kúı shertti, al ZhanibekovUniversity stýdentteri merekelik sharalardyń vıdeolaryn bólisti.
«Qazaqstandyq joǵary oqý oryndarynyń #Naýryz2025 onlaın-festıvaline qatysýy – zamanaýı sıfrlyq platformalardyń bilim berý úrdisin tıimdi túrde tolyqtyra otyryp, stýdentterdiń mádenı murany saqtaý men nasıhattaýyna atsalysa alatynyn kórsetti. Jastardyń ult dástúrin kreatıv, mýzyka, sán jáne óner arqyly zor shabytpen pash etýi bizdi qýantady – bul zerdeli ári mádenı turǵyda ornyqqan tulǵany qalyptastyrýǵa baǵyttalǵan mańyzdy qadam. Bilim, shyǵarmashylyq pen ulttyq qundylyqtardy ushtastyratyn osyndaı bastamalardy mınıstrlik aldaǵy ýaqytta da qoldaı bermek», – dep atap ótti QR Ǵylym jáne joǵary bilim vıse-mınıstri Dınara Rınatqyzy Sheglova.
Óner men dástúr
TikTok-taǵy sýretshiler men qolóner sheberleri óz shyǵarmalaryn Naýryz merekesine arnady. Qazaq mádenıetinen shabyt alǵan birip ony kartınaǵa aınaldyrsa, taǵy biri kilemge sýret salyp, tipti biri qoldan shaǵyn kıiz úı de jasap kórsetti.
Naýryz – otbasylyq mereke retinde
TikTok qoldanýshylary súıikti merekeni otbasymen birge qalaı atap ótetinin bólisti, al taǵy biri úshin bul – alǵashqy Naýryz toıy boldy. Merekege dárigerler, keńse qyzmetkerleri, polısıa ókilderi sıaqty túrli kásip ıeleri de belsene qatysty. Tipti úı janýarlary da atsalysty.
«Búginde biz sheteldik týrıserdiń qazaq mádenıetine, asqanasyna, salt-dástúri men ómir saltyna degen udaıy qyzyǵýshylyǵyn baıqap otyrmyz. Saıahatshylar kóbine-kóp tereń de maǵynaly dúnıeler izdeıdi — olar naǵyz ulttyq murany tanyp-bilgisi keledi. Osy turǵyda jastarǵa jáne jalpy qoǵamǵa qazaqtyń baı dástúrin zamanaýı sıfrlyq platformalar arqyly kórsetýge múmkindik beretin bastamalardyń róli erekshe. Bul proseske jastardyń belsendi túrde aralasýy - asa mańyzdy», — dedi Kazakh Tourism basshysy Qaırat Sadvaqasov.
«Sońǵy úsh jylda Naýryz merekesine oraı onlaın-festıval ótkizýge úles qosqanymyzdy maqtan etemiz. Osy ýaqyt aralyǵynda Qazaqstannyń túkpir-túkpirindegi qoldanýshylar ulttyq merekege oraı 180 myńǵa jýyq beınerolık túsirip, ózderin osynaý iri mádenı sharanyń bir bólshegi sezinip, óz halqynyń mádenıe murasyn bir-birine ǵana emes, búkil álemdegi TikTok qoldanýshylaryna pash ete aldy. Mundaı nátıje bizge zor shabyt syılady jáne biz Qazaqstannyń ulttyq mádenıetimen qatar, elimizdiń búkil óńirindegi qoldanýshylardyń shyǵarmashylyq rýhyna qoldaý kórsetýdi jalǵastyra beremiz», - dep atap ótti TikTok-tyń Shyǵys Eýropa jáne Ortalyq Azıa boıynsha operasıalyq bóliminiń basshysy Melıs Chaglar.
