«Ulttyq kitap» kúni merekesi aıasynda kórnekti etnograf, jazýshy, ádebıet synshysy, aǵartýshy, QR Mádenıet úzdigi, Qoǵam qaıratkeri Bolat Bopaıulynyń 65 jyldyǵyna arnalǵan taǵylymdy shara uıymdastyrylady.

İs-shara barysynda avtordyń kózi tirisinde jaryq kórgen jáne alǵash ret Braıl qarpinde (núkteli-bederli shrıft) jáne MR-3 formatynda shyǵarylǵan eńbekteriniń tusaýkeseri ótedi. Bul bastama – erekshe jandardyń rýhanı baılyǵyna qoljetimdilik jasaýdy kózdeıtin mańyzdy qadam.

Bolat Bopaı týraly jazbaǵan, odan suhbat almaǵan jýrnalıs sırek. Ulttyq salt, ádet-ǵuryp týraly taqyryp qozǵala qalsa, tilshiler eń aldymen sol kisini izdeıtin. Sebebi onyń árbir jaýaby – daıyn maqala, shyndyqqa toly derek edi.

Sol sebepti, bul shara – jaı eske alý keshi emes. Bul – qalam ustaǵan áriptesterdiń qatysýy tıis rýhanı kezdesý. 

Baǵdarlama aıasynda:

• «Erekshe jandarǵa – erekshe kitaptar» atty kórme ótedi. Kórmege Bolat Bopaıdyń «Qazaq batasy», «Qazaq dastarhany», «Qazaq dástúrleri», «Qazaq yrym-ǵuryptary» atty eńbekteri qoıylyp, olardyń Braıl qarpi men aýdıoformattaǵy nusqalary kópshilik nazaryna usynylady.

• «Atadan qalǵan murasyn, urpaǵyna jalǵaǵan» atty slaıd-sholý arqyly kórermender jazýshynyń ómir joly men shyǵarmashylyǵymen tanysa alady.

• Shara barysynda Bolat Bopaıdyń sózine jazylǵan ánder oryndalyp, onyń shyǵarmashylyq murasyna arnalǵan mýzykalyq kórinister usynylady.

• Kelgen qonaqtar men áriptesteri, qalamdas dostary, shákirtteri jazýshy jaıly estelikterimen bólisedi.

Ótkiziletin orny: Almaty qalasy,  Zaǵıp jáne nashar kóretin azamattarǵa arnalǵan respýblıkalyq kitaphanasy

Kúni: 21 sáýir

Ýaqyty: saǵat 15-00

Meken jaıymyz: Bógenbaı batyr kóshesi, 214 (Ǵ.Muratbaev k. 171 qıylysy)

  87079121061