Talǵarda bolǵan Sherzat Bolattyń qazasyna qatysty istiń sot otyrysynda Sherzattyń anasy Gúlbara Bıshimbıevadan jaýap alyndy.

Qaıǵyly oqıǵa túni Gúlbaraǵa kúıeýi Qarjaýbaı qońyraý shalyp, "Sherzat bireýdi uryp qoıdy, Nurqanatty oıatyp, jiber" dep habar bergen.

Nurqanatty oıattyq. Ol ornyna turyp, kólikpen dúken jaqqa ketip qaldy. Bes mınýttan keıin Qarjaýbaıǵa qaıta habarlastym. Ol "bári jaqsy, sheship jatyrmyz" dedi. Shydamaı ájesimen shyǵyp kettik. Taksı mekenjaıdy bilmeıdi eken. "Qamajaı" dúkenine 5-10 mınýtta joldy kórsetip jettik. Sol jerde 10-15 adamdy kórdik. Eki qyz bar eken arasynda. Sol jerde bireýi "delaıte!" dep aıqaılady. Birinshi Darhandy bastady – Sherzatty betinen urdy. Sherzat sheginip, qaıta urdy. Anaý jerge qulap tústi. Ahmetti Abzal urdy. Bular jabyla ketti. Nurqanat sol kezde Ahmetti tartyp alyp qaldy, – deıdi Sherzattyń anasy.

Onyń aıtýynsha, bári Sherzat pen Nurqanatqa jabylyp ketken. Ájesi "balalarym qoıyńdar" dep aıǵaılaǵan kezde, ony ıterip jibergen.

Abzal men Nurbol sol kezde meni ustap jibermeı qoıdy. Abzal men Nurbolǵa "balama tımeńdershi, anasymyn" dep ótindim. Abzal “aýzyńdy jap, seni de óltiremin" dedi. Eki qyzǵa qarap, "skoraıa men polısıa shaqyryńdarshy" dep edim. Olar eshteńe istegen joq. Julqynyp shyǵyp kettim. 7-8 adam jabylyp jatyr eken. Sherzat artqa shegindi de qulady. Mama "mynany qarańyzshy" dedi. Sol kezde Sherzattyń denesinen qan aqqanyn kórem. Sol kezde denesine pyshaq kirgenin túsindim. Nurqıastyń qolynan myltyq baryn kórdim. Nurqanat ózin tepkilep bolǵannan keıin Sherzattyń aýyr halde jatqanyna qaramastan bizge qaraı bet aldy. Nurqıas Nurqanatty da urdy. Nurqıas basynan Sherzatyń basy men jelkesinen 3-4 ret uryp jatqan kezde oń qolymdy tostym. 3-4 ret urdy. Aıǵaılaǵanyma da qaraǵan joq. Nurqıas "tynysh tur, seni de uramyn" dedi. Qarjaýbaıdy sol kezde Darhan betinen bótelkemen urǵan. Shyńǵys artynan pyshaq salǵan, – deıdi Gúlbara Bıshimbıeva.