El nazaryn aýdarǵan istiń núktesin kim qoıady? Erjan Babaqumarovtyń ólimi boıynsha tergeý aıaqtaldy, qylmystyq is sotqa jiberildi.

Rezonansty materıaldardy Bıshimbaevqa úkim oqyǵan sýdıa Aıjan Qulbaeva qaraıdy.

İs sotqa ótti

Astana prokýratýrasy qylmystyq isti QR QK 99-babynyń 1-bóligimen (Adam óltirý) tergedi.

Kúdikti bultartpaý sharasy retinde qamaýda otyr.

İs QR QPK-niń 300–305-baptary talaptaryna saı sotqa joldandy.

QR QPK-niń 201-babyna sáıkes ózge málimetter jarıa etilmeıdi.

Sýdıa kim bolady?

Stolıchnyı sottyń baspasóz qyzmeti istiń Arnaıy mamandandyrylǵan aýdanaralyq qylmystyq sotqa túskenin habarlady.

İsti sýdıa Aıjan Qulbaeva qaraıdy.

Ol buǵan deıin Saltanat Núkenovanyń ólimi isi boıynsha eks-mınıstr Qýandyq Bıshimbaevqa úkim oqyǵan edi.

Aldyn ala tyńdaý 19 qańtarǵa belgilendi.

Ne bolǵan edi?

30 qazanǵa qaraǵan túni Erjan Babaqumarov tanysymen janjal kezinde qaza tapty.

Erjan Babaqumarov týraly qysqasha

Erjan Babaqumarov 1969 jyldyń 2 naýryzynda Taldyqorǵan oblysynda týǵan.

Saıası ǵylymdar kandıdaty bolǵan.

1996 jyldan memlekettik qyzmette eńbek etken.

Prezıdent Ákimshiliginiń ishki saıasat baǵyty men aqparattyq-taldaý ortalyǵynda basshylyq qyzmetter atqarǵan.

Mádenıet jáne aqparat mınıstrliginde jaýapty hatshy jáne vıse-mınıstr bolyp istegen.

Premer-mınıstr Keńsesi basshysynyń orynbasary bolyp jumys istegen.

Ortalyq komýnıkasıalar qyzmetin basqarǵan.

Prezıdenttiń keńesshisi, Ákimshilik janyndaǵy Taldaý jáne boljaý ortalyǵyn basqarǵan.

2019 jyldyń shildesinen 2022 jyldyń aqpanyna deıin Almaty qalasy ákiminiń orynbasary bolyp qyzmet etken.

Bul týraly Qamshy.kz aqparat agenttigi habarlaıdy.