Bir páterdiń tirkeýine bir aýyldyń halqyn «syıdyrǵan» «qonaqjaılyq» sotqa jetti. Almatyda 109 adamdy óz úıine tirkegen áıelge úkim shyqty.

Ne boldy?

Qalalyq prokýratýra bir mekenjaıǵa, ondaı jerge naqty turmaı, 109 adamdy tirkeý arqyly zańsyz kóshi-qondy uıymdastyrǵan sqemany anyqtady.

Qylmystyq kodekstiń 394-baby (zańsyz kóshi-qondy uıymdastyrý) boıynsha is qozǵalyp, sot úı ıesin bir jylǵa bostandyǵyn shekteýge úkim kesti, dep habarlady vedomstvo.

Nege mańyzdy?

«Rezeńke páterler» qala qaýipsizdigine jáne josparlaýǵa soqqy berip, mektep, emhana, ınfraqurylymǵa túsetin júktemeni arttyrady.

Kóshi-qon zańyn buzǵandarǵa qylmystyq ta, ákimshilik te jaýapkershilik qarastyrylǵanyn prokýratýra eske saldy.

Kontekst jáne saıasat

2025 jyldyń shildesinde Prezıdent zańǵa qol qoıyp, Astana boıynsha turǵylyqty jáne ýaqytsha tirkeý erejelerin bekitý quqyǵyn máslıhatqa berdi.

Vıse-premer, ulttyq ekonomıka mınıstri Serik Jumanǵarın bul qadamdy «rezeńke páter» qubylysymen túsindirdi, keı azamattar naqty turmaı-aq aqshaǵa tirkeý rásimdeıtinin atap ótti.

Mundaı ister kóshi-qon saıasatyn tártipke keltirýge, qalada kimniń shyn turyp jatqanyn dál esepteýge jáne búdjet pen áleýmettik qyzmetterdi ádil bólýge yqpal etýi tıis.

Bul týraly Qamshy.kz aqparat agenttigi habarlaıdy.