Sherzat Polat qatygezdikpen óltirilgen túni onyń anasy Gúlbara sottalýshylardyń arasynda eki qyzdyń júrgenin anyq kórgen. Sherzattyń anasy jaýap berý barysynda eki qyzdyń tóbeles kezinde ne istep júrgenin aıtyp berdi.
“Qyzdar dúkenniń mańynda boldy. Olarǵa qarap, jedel járdem men polısıa shaqyrýyn suradym. Biraq olar maǵan qarap turdy. Eshteńe istegen joq. Abzal men Nurqıas meniń qolymnan ustap turǵanda eki qyz maǵan tas laqtyrdy. Ol qyzdardy kórsem tanımyn”, – dedi Gúlbara Bıshembaeva.
Oqıǵa bolǵan túni sottalýshylardan bólek onda eki qyzdyń júrgenin beınekameradan kórýge bolady. Alaıda olar búginde aıyptalýshylardyń qatarynda emes.
“Joldasym tóbeles bastalyp ketken kezde jedel járdem men polısıa shaqyrǵan. Biraq olar tutqany almady. Basqa úıdegi adamdar shyqqan kezde kúıeýim kólikti aıdap keldi. Kólikke birinshi Sherzatty, ekinshi Nurǵanatty salyp Talǵardyń aýrýhanasyna apardyq. Ulymnyń aýzynan qan ketkenin kórgende óledi dep oıladym. Biraq sonda da úmitimdi úzgen joqpyn. Sherzattyń qolyndaǵy bilegindegi pyshaqpen kesilgen jaraqattardy kórdim. Ol jaraqattardy sottalýshylardyń bári saldy. Ravıldiń Nurǵanatqa pyshaq salǵanyn kórdim. Myltyqty kim ákelgenin bilmeımin. Biraq ol Nurqıastyń qolynda boldy”, – dedi Sherzattyń anasy.
