«Naýryznama» onkúndigine sáıkes 20 naýryz – Ulttyq sport kúni. Dástúrli qundylyqtarymyzdyń biri jáne biregeıi – Ulttyq sport oıyndary. Kóshpeli qazaq halqynyń dástúrli ulttyq sport túrleriniń qorjynynda 150-ge jýyq oıyndar bar.
Búgin ataýly kúnge oraı, ál-Farabı atyndaǵy QazUÝ https://farabi.university/, JOO-ǵa deıingi bilim berý fakúlteti, JOǴARY OQÝ ORNYNA DEIİNGİ DAIYNDYQ KAFEDRASYNYŃ ár elden kelgen qandas tyńdaýshylarynyń arasynda «Ulttyq oıyn – halyq murasy» atty ulttyq oıyndar saıysy ótkizilip, qazaq halqynyń ǵasyrlar boıy qalyptasqan qundylyqtary nasıhattaldy.
HHİ ǵasyr – bilimdiler ǵasyry. Búgingi tańda zamanymyzǵa saı zerdeli, oı-órisi joǵary, jan-jaqty damyǵan urpaq qalyptastyrý – memleketimizdiń alǵa qoıǵan asa mańyzdy mindeti. Jastardyń densaýlyǵynyń myqty bolýy sportpen shuǵyldanýdan qalyptasady. Bul oraıda biz ulttyq oıyndarǵa úlken kóńil bólip otyrmyzdyń basty sebebi de búgingi kúnniń uıytqysy bolyp otyrǵan ulttyq oıyndar arqyly jas urpaqqa bilimmen qatar densaýlyqqa kóńil bólý maqsatynda ulttyq oıyndar is-sharasyn ótkizip otyrmyz.
Ulttyq oıyndar – erte zamannan qalyptasqan dástúrli oıyn-saýyqtardyń bir túri. Onyń bastaýy tym tereńde, ǵasyrlar qoınaýynda jatyr. Osy oıyndar negizinde ár halyq ártúrli jattyǵýlar jasaý jolymen dene- shynyqtyrý isiniń negizin saldy. Bul bertin kele shynaıy sport oıyndarynyń shyǵýyna túrtki boldy. Onyń adam densaýlyǵyn jaqsarta túsýde paıdasy zor ekeni belgili. Qazaqtyń ulttyq oıyndary – babalarymyzdan qalǵan asyl qazyna. Sondyqtan halyqtyq murany úırenýdiń ári kúndelikti turmysqa paıdalanýdyń zamanymyzǵa saı urpaq tárbıeleýde orasan paıdasy tımek.
Qazaqtyń ulttyq sporty – rýh pen namysty qaırap, boıdaǵy qýatty shyńdaıdy.
Ulttyq sport tek saıys pen jarys emes, onda kóshpeli turmystyń rýhy bar. Salaýatty ómir saltyn qalyptastyrýǵa sporttyń mańyzy zor. Sporttyń qaı túrin alsaq ta, barlyǵy densaýlyqqa paıdaly.
Osy oraıda aıtýly merekeni Bilim ordasy ál-Farabı atyndaǵy QazUÝ https://farabi.university/, JOO-ǵa deıingi bilim berý fakúlteti, JOǴARY OQÝ ORNYNA DEIİNGİ DAIYNDYQ KAFEDRASYNYŃ edvaızer-kýratorlary men tyńdaýshylar da dástúr sabaqtastyǵyn órbitti. Tyńdaýshylar asyq atý, arqan tartys, saqına salý, bes tas, qol kúres, gir tasyn kóterý jáne toǵyzqumalaq oıyndary arqyly jarysyp, básekege tústi.
Ulttyq sportty ulyqtaýǵa arnalǵan bul kún JOO-ǵa deıingi daıfndyq kafedrasynyń OPQ men tyńdaýshylar arasynda mereke saltanatyn erekshe sezinýge septigin tıgizdi.
Ál-Farabı atyndaǵy Qazaq ulttyq ýnıversıtetiniń
oqytýshylary Mýjıgova G.M., Tıleýjanova G.T., Satkenova J.B.
