Qazaqstan Respýblıkasynyń Prezıdenti Qasym-Jomart Toqaev IV quryltaıdaǵy sózinde ulttyq tarıhty jańa kózqaraspen zertteýdiń mańyzdylyǵyna erekshe toqtalyp, tarıhı ádilettilikti qalpyna keltirý, arhıv derekterin tereń zerdeleý jáne ulttyq murany ǵylymı turǵydan qaıta qarastyrý qajettiligin atap ótti. Bul – tarıh ǵylymy úshin jańa mindetterdi aıqyndaıtyn mańyzdy baǵyt. Qazirgi tańda otandyq tarıh ǵylymy jańa metodologıalyq tásilderdi engizýdi jáne keshendi zertteýler júrgizýdi talap etedi. Ásirese, HH ǵasyrdaǵy saıası ózgerister, ult-azattyq qozǵalystar, qazaq memlekettiliginiń evolúsıasy, quqyqtyq júıeniń qalyptasýy, sondaı-aq, dástúrli basqarý ınstıtýttarynyń ózgerisi syndy taqyryptar ǵylymı ortada tereń zerttelýi tıis. Muraǵat qujattaryn sıfrlandyrý, halyqaralyq ǵylymı yntymaqtastyqty keńeıtý, tarıh ǵylymyn zamanaýı tehnologıalarmen ushtastyrý – osy baǵyttaǵy mańyzdy qadamdar. Ál-Farabı atyndaǵy QazUÝ-dyń tarıhshy ǵalymdary Prezıdentimizdiń usynysyna saı ǵylymı-praktıkalyq jumystar, sharalar uıymdastyrýda. QazUÝ (https://farabi.university) tarıhshy ǵalymdary Memleket basshysynyń bul bastamalaryn qoldaı otyryp, ulttyq tarıhty jańa kózqaraspen zertteý jas urpaqtyń tarıh jady men otansúıgishtik rýhyn nyǵaıtyp qana qoımaı, Qazaqstannyń táýelsizdigin bekemdeı túsýge de yqpal etetinine senimdi.
Sonymen qatar, Qazaqstannyń otarlyq kezeńin, qýǵyn-súrgin jyldaryn, saıası repressıalardy, asharshylyqty jáne basqa da kúrdeli tarıhı kezeńderdi jan-jaqty zerdeleý memlekettiń ótkenine shynaıy baǵa berýge múmkindik beredi. Bul – bolashaqqa senimdi qadam jasaý úshin qajet tarıhı sabaq. Prezıdenttiń osy máselelerdi kóterýi – ulttyq biregeılikti nyǵaıtyp, tarıhı sanany jańǵyrtý jolyndaǵy mańyzdy bastama.
Ulttyq tarıhty jańa kózqaraspen zertteý jas urpaqtyń tarıhı jady men otansúıgishtik rýhyn nyǵaıtyp qana qoımaı, Qazaqstannyń táýelsizdigin bekemdeı túsýge de yqpal etedi. Elimizdiń ótkenin obektıvti túrde zerdeleý – memlekettiń damý strategıasyndaǵy basym baǵyttardyń biri bolýy tıis.
QazKSR tarıhy keńestik komýnıstik ıdeologıa sheńberinde jazyldy, shyndyq burmalandy, tek keńestik júıege tıimdi aspekti negizinde qarastyryldy. Sol sebepti Táýelsiz Qazaqstanyń aqıqat tarıhy álemdik tarıh ǵylymı keńistigindegi zertteýlerge jáne elimizge qatysty tabylǵan sheteldik ǵalymdardyń tyń derekteri men otandyq ǵalymdar, muraǵattardaǵy naqty derekterge súıene otyryp qaıta zertteýdi qajet etedi.
Elimizdiń ótkenin obektıvti túrde zerdeleý – memlekettiń damý strategıasyndaǵy basym baǵyttardyń biri bolýy tıis.
JOO deıingi daıyndyq kafedrasynyń aǵa oqytýshysy Aısha Begalıeva
JOO deıingi daıyndyq kafedrasynyń PHD, aǵa oqytýshysy Nurgúl Amangeldi
