Prezıdent Qasym-Jomart Toqaev 19 mamyrda Qazaqstan men AQSH úkimeti arasyndaǵy Almaty qalasynan jer ýchaskesin jalǵa berý týraly kelisimdi ratıfıkasıalaý jónindegi zańǵa qol qoıdy.

Kelisimge 2024 jylǵy 27 qyrkúıekte Nú-Iorkte qol qoıylǵan. Aýdany 70 593 sharshy metr bolatyn jer 49 jyl merzimge jalǵa beriledi. AQSH jaǵy jalǵa alý úshin 25,3 mln dollardy bir rettik tólem retinde tóleıdi. Sonymen qatar, amerıkalyq tarap salyqtar men kedendik tólemderden bosatylady jáne barlyq qurylys, kútip-ustaý men komýnaldyq shyǵyndardy ózi óteıdi.

Bul aýmaqta AQSH-tyń Bas konsýldyǵy, Saýda mınıstrligi, Esirtkige qarsy kúres agenttigi jáne Komersıalyq qyzmet ókildikteri ornalasady. Joba AQSH-tyń Ortalyq Azıadaǵy eń iri vıza habyn qurýdy kózdeıdi jáne Qazaqstandaǵy ınvestısıalyq ahýaldy jaqsartýǵa baǵyttalǵan.

Kelisim aıasynda Qazaqstannyń Húston qalasynda Bas konsýldyq ashýyna múmkindik beriledi.