Shymkent qalasy boıynsha Qarjylyq monıtorıń agenttiginiń departamenti M.Áýezov atyndaǵy Ońtústik Qazaqstan ýnıversıtetinde asa iri kólemde búdjet qarajatyn jymqyrý jáne zańsyz jolmen alynǵan múlikti zańdastyrý faktisi boıynsha tergeýdi aıaqtady.

Kúdiktiler qatarynda ýnıversıtet rektorynyń mindetin atqarýshy, qarjy jáne ákimshilik departamentterdiń dırektorlary, sondaı-aq seriktes uıymdardyń basshylary bar.

Tergeý barysynda ýnıversıtet pen merdiger uıymdar arasynda jalpy somasy 256 mıllıon teńgege jalǵan kelisimsharttar jasalǵany anyqtaldy. Qurylys-montaj jumystary, qyzmet kórsetý jáne taýar jetkizý is júzinde oryndalmaǵan. Bólingen búdjet qarajaty jalǵan aktiler arqyly affılırlengen kompanıalar shottaryna aýdarylyp, keıin qolma-qol aqshaǵa aınaldyrylǵan.

Zańsyz tabysqa kúdiktiler alty qymbat kólik (Mercedes-Benz S-klass, Lexus LX570 jáne basqa da markalar) pen Shymkent qalasynyń ortalyǵynan quny 254 mıllıon teńge bolatyn elıtalyq kotej satyp alǵan. Bul múlikke sot sheshimimen tyıym salyndy.

Qazirgi tańda tórt kúdiktige qatysty úıqamaq túrindegi bultartpaý sharasy qoldanylyp, qylmystyq is sotqa joldandy.