Astanada 7 mamyrda saǵat 11:00-de Otan qorǵaýshylar kúnine jáne Uly Otan soǵysyndaǵy Jeńistiń 80 jyldyǵyna oraı aýqymdy áskerı sherý ótedi.

Sherý ótetin jerde qaýipsizdik pen baqylaý sharalary kúsheıtiledi. Oǵan Uly Otan soǵysynyń ardagerleri, tyl eńbekkerleri, áskerı is-qımyldardyń ardagerleri, QR Qarýly Kúshteriniń úzdik bólimsheleri, qurmet qaraýyl rotalary, QR Qarýly Kúshteriniń, ózge de áskerler men áskerı quralymdardyń, áskerı quqyq qorǵaý organdarynyń jáne t.b. ardagerleri shaqyrylǵan.

"Qoǵamdyq qaýipsizdikti qamtamasyz etý jáne is-sharalardy rettep ótkizý maqsatynda bıyl paradty tikeleı tamashalaý shekteldi. Mundaı sheshim adamdar kóp jınalatyn jaǵdaılarda qaýipsizdik sharalaryn kúsheıtý qajettiligine baılanysty qabyldandy. Trıbýnadaǵy oryndar sany shekteýli jáne aldyn ala bólingen, bul parad ótkizý kezinde tıisti baqylaý men úılestirýdi qamtamasyz etýge múmkindik beredi. Bul – áskerı tehnıka men avıasıa qatysatyn aýqymdy is-sharalardy uıymdastyrý kezinde qoldanylatyn halyqaralyq standartty tájirıbe", – dep túsindirdi vedomstvo.